Brandvleidam
Die Brandvleidam is in ‘n pan langs die regteroewer van die Breederivier sowat 10km besuide Worcester. Dit is in 1923 gebou met ‘n opgaarvermoë van ‘n 47 miljoen m³. In 1950 is die damwal verhoog sodat die kapasiteit van die dam op 66 miljoen m³ te staan gekom het. Die kruin van die grondwal was net minder as ‘n kilometer lank en as die dam vol was, het dit ‘n meer van 1500ha gevorm. Dit is gevul deur ‘n toevoerkanaal van die Holsloot- en Smalbladerenrivier. Vir sy omvang is die Breederiviervallei die intensiefste besproeiingsgebied in die land en was die eerste waar besproeiing - reeds in 1896 – op ‘n koöperatiewe grondslag vir die Robertsonse Kanaalraad toegepas is.