Bristol Scout
| Bristol Scout | |
|---|---|
 | |
| Tipe | Vegvliegtuig |
| Vervaardiger | Bristol Aeroplane Company |
| Ontwerp deur | Frank Barnwell |
| Nooiensvlug | 23 Februarie 1914 |
| Status | Onttrek |
| Hoofgebruikers | Britse Lugmag Royal Naval Air Service Australian Flying Corps |
| Aantal gebou | 374 |
Die Bristol Scout was 'n enkelsitplek, dubbeldekker vegvliegtuig wat hoofsaaklik vir verkenningswerk gebruik was deur die Britse Lugmag tydens die eerste twee jaar van die Eerste Wêreldoorlog. Die vliegtuig was aanvanklik ontwerp vir lugwedrenne en daar was geen voorsiening gemaak vir wapens nie. Die vliegtuig het 'n ontwerp gehad wat goed op die oog geval het en was vinnig vir sy tyd. Dit was aanvanklik as 'n verkenningsvliegtuig gebruik. Nadat dit in Februarie 1915 op die front verskyn het, was dit gebruik om tweesitplek eskaders te vergesel. Die bewapening op hierdie eerste vliegtuie het verskil, daar was nie 'n standaard nie. Soms was dit net gewere wat aan die kante van die vliegtuig vasgemaak was.
Tog het Kaptein L.G. Hawker daarin geslaag om drie vyandelike vliegtuie af te skiet op 25 Julie 1915; hierdie vliegtuie was gewapen met masjiengewere. Die Victoriakruis was aan hom toegeken vir die daad.
In Februarie 1915 het die Royal Flying Corps 11 Eskader gestig en toegerus met Bristol Scouts hulle doel was om vyandelike vliegtuie te onderskep en vernietig. Dit was een van die eerste ware vegter eskaders. Die Britse bobaasvlieënier, Albert Ball, was deel van 11 Eskader en sy gunsteling was die Scout D wat in November 1915 in diens gestel was. Dit was toegerus met 'n gesinchroniseerde Vickers-masjiengeweer. In 'n week in Mei 1916 het Ball vier vyandelike vliegtuie afgeskiet.
Daar was 370 Scout's vervaardig. Vanaf die middel van 1916 was hulle geleidelik onttrek uit diens om opleidings vliegtuie te word.
Tegniese besonderhede[wysig | wysig bron]
| Item | Statistiek |
|---|---|
| Aantal motors | 1 |
| Tipe motor | Skroef |
| Vervaardiger | Le Rhône stermotor |
| Kraglewering per motor | 80 perdekrag |
| Vlerkspan | 8,33 m |
| Lengte | 6,02 m |
| Hoogte | 2,59 m |
| Vlerkoppervlakte | 18,39 m2 |
| Maksimum opstygmassa | 567 kg |
| Maksimum snelheid | 161 km/h |
| Operasionele hoogte | 4 267 m |
| Uithouvermoë | 2.5 ure |
| Klimvermoë | 3,050 m in 18 minute |
| Bewapening | Een vorentoe gesinchroniseerde 7,7 mm Lewis-masjiengeweer |
Sien ook[wysig | wysig bron]
Bron[wysig | wysig bron]
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9