Bruce Lee
Bruce Lee Sy standbeeld in Hong Kong |
|---|
| Doopnaam: | Bruce Jun Fan Lee, 李小龍 |
|---|---|
| Geboorte: | 27 November 1940; San Francisco, Kalifornië |
| Afsterwe: | 20 Julie 1973, Hong Kong |
Bruce Jun Fan Lee (27 November 1940 – 20 July 1973) was 'n Sjinese vegkunstenaar, filosoof, vegkunsinstrukteur en vegkunsakteur. Hy was ook die stigter van die vegkuns "Jeet Kune Do". Lee word algemeen beskou as die invloedrykste vegkunstenaar van die twintigste eeu.[1] Hy was ook die vader van die akteur Brandon Lee en die aktrise Shannon Lee.
Lee is in San Francisco, Kalifornië gebore, maar het in Hong Kong groot geword. Sy rolprente het die tradisionele Hong Kong-vegkunsrolprent nuwe gewildheid en lof gebring en gesorg vir die eerste grootskaalse belang in Sjinese vegkuns in die Weste. Die regie en toon van sy rolprente het vegkuns en vegkunsrolprente die wêreld oor beïnvloed.
Lee het 'n ikoniese figuur geword, veral vir die Sjinese volk, siende dat hy Sjinese nasionale trots en Sjinese nasionalisme in sy rolprente uitgebeeld het.[2] Hy het hoofsaaklik Sjinese vegkuns (Koeng foe) beoefen, veral Wing Tsun.
Verwysings [wysig]
- ↑ Stein, Joel (1999). “TIME 100: Bruce Lee”. Time. URL besoek op 2008-05-30.
- ↑ Dennis, Felix; Atyeo, Don (1974). Bruce Lee King of Kung-Fu. United States: Straight Arrow Books. ISBN 0-87932-088-5.
