Central Park (gebou)

in Wikipedia, die vrye ensiklopedie
Spring na: navigasie, soek
Central Park

Central Park is 'n 51 vloer wolkekrabber in Perth, Wes-Australië. Die gebou se hoogte gemeet vanaf sy basis op St Georges Terrace tot by sy dak is 226m[1] en tot by die bopunt van sy radiomas is 249m[2] hoog.

Met voltooiing in 1992 was die gebou die hoogste in Perth[2], maar die gebou sal verbygesteek word wanneer die 270m hoë BHP Tower voltooi word.[3] Die gebou is tans die sewende hoogste gebou in Australië.[4]

Ontwerp[wysig]

Central Park was die vierde en grootste stadium van die argitekte Forbes & Fritzhardinge se plan vir die omliggende kommersiële streek, wat die AMP-gebou, die Commonwealth Bank-gebou en die Wesley Centre ingesluit het.[5] Die ontwerp van die toring is verskeie kere verander om aan te pas by veranderde konsessies wat mettertyd toegestaan is.

Twee van die driehoekige vleuls van die toring, met balke bo elkeen wat stabiliteit aan die struktuur verleen.

Die toring is uiteindelik gebou as 'n saamgestelde staal-en-betonraam met 'n betonkern wat vooraf gespan is en verstewig word met balke aan die bokant van die toring.[6] Toe die gebou voltooi was, was dit een van die hoogste geboue wat hierdie tegniek gebruik het in Australië.[7]

Die gebruik van 'n dienskern struktuur vir die gebou het die aantal interne pilare wat benodig was verminder met slegs twee op die grootste vloere, wat die bruikbare spasie grootliks vermeerder het.[8] Die deursnee van die pilare vir die toring is gemaak van saamgestelde staal en beton en binne 'n permanente vormwerk van Spiroduct buise omhul. Die voorafgegote betonvloere is ondersteun met brandbestande staalbalke en is in plek bedek met 'n deklaag.

Verwysings[wysig]

  1. Central Park: Building Specifications”. Central Park. URL besoek op 10 November 2008.
  2. 2,0 2,1 "Central Park tops city skyline!", Multiplex News, Multiplex, Desember 1992, p. 4.
  3. Hatch, Daniel, “City building boom set to bring more traffic woes”, The West Australian, 22 September 2008, p. 9. URL besoek op 10 November 2008.
  4. Diagrams — SkyscraperPage.com
  5. Corporate Construction & Design, bl 7
  6. Kermode, Peter, “City Streets Go With The Wind”, The West Australian, 7 Augustus 1996, p. 57. URL besoek op 10 November 2008.
  7. Die verstewigde kernmetode minimeer die swaai van die gebou in die wind, wat selfs na die verstewiging steeds ongeveer 30 cm aan die bokant is.
  8. Corporate Construction & Design, bladsy 71