Daniel Defoe
Daniel Defoe
Engelse skrywer, joernalis en sakeman
Literêre stroming
Avontuurroman
Beduidende werke
Robinson Crusoe (1719)
Moll Flanders (1722)
Daniel Defoe ([dænjəl_dɨˈfoʊ]; * tussen 1659 en 1661 as Daniel Foe; † 24 April 1731 in Londen) was 'n Engelse handelaar, skrywer, joernalis en pamfletskrywer wat met sy roman oor die skipbreukeling Robinson Crusoe internasionale bekendheid verwerf het.
Saam met ander skrywers soos Samuel Richardson word Defoe as die grondlegger van die moderne Engelse roman beskou, 'n literêre genre wat danksy sy bydrae by lesers gewild geraak het. Hy was 'n vrugbare en veelsydige skrywer wat meer as 500 boeke, pamflette en joernale oor 'n groot verskeidenheid onderwerpe geskryf het (waaronder politiek, misdaad, godsdiens, huwelik, sielkunde en die bonatuurlike). Hy was daarnaas 'n baanbreker op die gebied van ekonomiese joernalisme.
