Delos

in Wikipedia, die vrye ensiklopedie
Spring na: navigasie, soek
Delos
Inheemse naam: Δήλος
Delos word omring deur die Kyklade-eilande
Delos word omring deur die Kyklade-eilande
Geografie
Ligging Griekeland, Egeïese See
Koördinate 37°23′N 25°16′O
Argipel Kyklade
Oppervlak 3,43 vk km
Hoogste punt Berg Kynthos 112 m
Administrasie
Vlag van Griekeland Griekeland
Streek Suid-Egeïes
Demografie
Bevolking 14

Die eiland Delos (Grieks: Δήλος, uitgespreek ðilos), is effens afgeleë in die midde van die byna sirkelvormige kring van eilande, genaamd die Kyklade, naby Mykonos, en is een van die belangrikste mitologiese, historiese en argeologiese lokale in Griekeland. Die uitgrawings van die eiland tel onder die mees ekstensiewe van die Middellandse See gebied. Die voortgesette werk vind plaas onder leiding van die Franse Skool te Athene en vele van die artefakte wat gevind is, word uitgestal by die Argeologiese Museum van Delos en die Nasionale Argeologiese Museum van Athene. Delos is in 1990 deur UNESCO as wêrelderfenisgebied gelys.

Delos, geskilder deur Carl Anton Joseph Rottmann, 1847

Delos was die ligging van 'n heiligdom vir 'n millennium voor Olympiese Griekse mitologie dit geteken het as die geboorteplek van Apollo en Artemis. Vanaf die Heilige Hawe, toon die horison twee koniese hoogtes, wat aanduidend was van landmerke wat elders toegewy is aan 'n godin: een daarvan steeds met 'n voor-Griekse naam, Berg Kynthos[1], wat beskik oor 'n hoogte wat aan Dionysos toegewy is.

Ná dit as 'n kultussentrum gevestig is, was Delos van 'n belang wat die natuurlike hulpbronne daarvan nooit sou kon verwesentlik nie. In hierdie trant het Leto van Homeros, soekend na 'n geboorteplek vir Apollo, die eiland aangespreek:

Delos, as jy gewillig sou wees om die tuiste van my seun Phoebus Apollo te wees, en 'n ryk tempel vir hom berei —; want geen ander sal jou aanraak nie, soos jy sal opmerk: en ek dink jy sal nooit ryk wees aan osse of skape nie, nòg wingerde dra, nòg beskik oor welige plantegroei. Maar as jy oor die tempel van vêr-skietende Apollo beskik, sal alle mense hekatombes na jou bring en hier saamtrek, en ononderbroke geur van ryke offerhande sal immer oprys, en jy sal dié wat jou bewoon voed uit die hand van vreemdelinge; want waarlik is jou eie grond nie ryk nie.
— Homeros Lofsang aan Deliese Apollo

Sien ook[wysig]

Verwysings[wysig]

  1. Die -nth- lettergroep is 'n kenmerk van pre-Griekse woorde: Korinthe, menthos, labyrinth, ens. Die naam Artemis, en selfs Diana het oorleef in die vorm Cynthia.

Eksterne skakels[wysig]

Commons-logo.svg
Wikimedia Commons het meer media verwant aan:
Delos (kategorie)