Die laaste tango
| Die Laaste Tango | |
|---|---|
| Regisseur | Deon Meyer |
| Draaiboek | Deon Meyer |
| Met | Louw Venter Antoinette Louw Marius Weyers |
| Musiek deur | Geo Hoehn Karien De Waal Anton Goosen Lize Beekman |
| Ateljee | Die Karoo-filmmaatskappy |
| Verspreider | Nu Metro Films |
| Uitgereik | 5 Julie 2013 |
| Land | Suid-Afrika |
| Taal | Afrikaans |
| IMDb-profiel | |
Die Laaste Tango is 'n Afrikaanse rolprent wat op 5 Julie 2013 in teaters begin draai het. Die film is in Loxton in die Karoo verfilm. Die bekroonde skrywer, Deon Meyer het die draaiboek geskryf en die regie behartig. Die film is sy debuut as rolprentregisseur.
Genre
[wysig | wysig bron]Die Laaste Tango is 'n spanningsvolle liefdesverhaal propvol intrige. Die ouderdomsperk 12 TG (taal, geweld).
Hoofrolspelers
[wysig | wysig bron]- Louw Venter as die speurder, Herkules de Wet
- Antoinette Louw as Ella Winter
- Marius Weyers as kapt. Mauritz Duvenhage
- Stian Bam as die psigopaat, Basson
- Ilse Oppelt as kol. Marga Hoffman
- Heino Schmidtt as Dave Malan
- Loukmaan Adams as speurder-sersante Basie Beyers
- Rob Van Vuuren as prokureur Kevin King.
- Gerhard Odendaal
- Stephanie Badenhorst
- Lize-Marie Swart
- Wessel Pretorius
Storielyn
[wysig | wysig bron]Herkules de Wet is 'n 34-jarige werkverslaafde speurder. Hy stel 'n lokval vir Basson, 'n psigopaat wat nege vroue grusaam vermoor het. Wanneer hy hom uiteindelik vang, rand hy hom só erg aan dat hy drie jaar se werk en 'n skuldigbevinding in gevaar stel.
De Wet se baas stuur hom na Loxton, 'n afgeleë dorpie in die Bo-Karoo, om af te koel en te wag dat die omstredenheid oorwaai. Hier ontmoet hy vir Ella Winter, 'n mooi, passievolle vrou wat sterwend is aan kanker.
Ella se wens is om nog een laaste keer die tango te dans. De Wet is aanvanklik huiwerig om te leer dans, maar Ella se lewenslus en skoonheid en sy eie begeerte na heling laat hom al hoe dieper betrokke raak.
Intussen ontwaak Basson in die hospitaal en beplan sy wraak teen De Wet. Hy slaag daarin om te ontsnap en sy bloedspoor lei na die Bo-Karoo. Op die nag van die laaste tango, daag die reeksmoordenaar in Loxton op...