Dire Tladi
Dire Tladi (20 April 1975) is 'n Suid-Afrikaanse internasionale regsgeleerde. Hy was professor in internasionale reg by die Departement Publiekreg en die Instituut vir Internasionale en Regsvergelykende Reg in Afrika aan die Universiteit van Pretoria. Hy was ook buitengewone professor by die Departement Publiekreg van die Universiteit van Stellenbosch. Hy het gedien as die Hoof Staatsregsadviseur vir Internasionale Reg vir die Suid-Afrikaanse Departement van Internasionale Betrekkinge en Samewerking en as Regsadviseur vir die Suid-Afrika-sending na die Verenigde Nasies.[1]
Sy hoof akademiese spesialisasies is in internasionale publiekreg, menseregtereg, omgewingsreg en internasionale strafreg. Op 1 Januarie 2012 het hy 'n vyfjaartermyn as lid van die Verenigde Nasies se Internasionale Regskommissie begin.[2]
Onderwys en opleiding[wysig | wysig bron]
Dire Tladi het sy BLC- en LLB-graad cum laude aan die Universiteit van Pretoria, (Suid-Afrika), 'n LL.M. van die Universiteit van Connecticut (VSA) en 'n LLD (Internasionale reg) van die Erasmus Universiteit (Nederland).[3]
Hy is mede-hoofredakteur van die South African Yearbook of International Law. Hy het op die redaksie van die Pretoria University Law Press (PULP)-tydskrif Constitutional Court Review gedien.[4] Hy dien ook op die redaksie van die Journal of Practice of International Courts and Tribunals.
Benewens meer as 50 wetenskaplike publikasies, het Dire Tladi ook 'n roman gepubliseer, Blood in the Sand of Justice, gebaseer op 'n fiktiewe weergawe van die sluipmoord op die Aanklaer van die Internasionale Strafhof.
Sedert sy aanstelling aan die einde van Mei 2015 lei professor Tladi die Verenigde Nasies se Internasionale Regskommissie as Spesiale Rapporteur om inhoud aan Jus Cogens te gee, deur te identifiseer hoe reëls en norme tot die status van Jus Cogens verhef word en die impak van hierdie norme te bepaal.[5]
In 2020 is Tladi vanaf 2021 deur die Nasionale Navorsingstigting aangestel as die Suid-Afrikaanse Navorsingsleerstoel vir Volkereg.[6]
Verwysings[wysig | wysig bron]
- ↑ "Untitled Document". Geargiveer vanaf die oorspronklike op 9 Mei 2012. Besoek op 28 November 2011. Prof Dire Tladi Besoek op 28 November 2011
- ↑ http://www.buanews.gov.za/news/11/11112013251001 Geargiveer 25 April 2012 op Wayback Machine SA welcomes election of Dr Tladi to Law Commission Besoek 28 November 2011
- ↑ http://web.up.ac.za/default.asp?ipkCategoryID=6003&articleID=9272 Geargiveer 24 Februarie 2012 op Wayback Machine Former student elected to serve on the UN International Law Commission Besoek 28 November 2011
- ↑ http://www.pulp.up.ac.za/cat_2011_03.html Geargiveer 7 April 2012 op Wayback Machine Publications Besoek 28 November 2011
- ↑ "Professor of International Law Dire Tladi re-elected as UN Special Rapporteur on Jus Cogens | University of Pretoria".
- ↑ "UP Law's Professor Dire Tladi appointed as SARChI Chair for International Constitutional Law | University of Pretoria".
Normdata  |
|
|---|