Universiteit van Pretoria
Die Universiteit van Pretoria (algemeen na verwys as Pretoria, UP, Tuks, of Tukkies) is 'n multi-kampus openbare navorsings universiteit in Pretoria die administratiewe en de facto hoofstad van Suid-Afrika.
Die universiteit het in 1908 ontstaan as die Pretoria-kampus van die Johannesburg gebaseer Transvaalse Universiteitskollege (waarvan die naam Tukkies afgelei is) en het gegroei uit die oorspronklike 32 studente in 'n enkele laat-Victoriaanse huis tot ongeveer 39000 in 2010. Die universiteit het in 1930 selfstandig geword toe die Privaat Wet op die Universiteit van Pretoria (Wet no. 13 van 1930) die universiteit tot 'n onafhanklike universiteit verklaar, met Tielman Roos as eerste kanselier (tot 1932).
Sedert 1997 het die Universiteit meer navorsingsuitsette elke jaar as enige ander instelling van hoër onderwys in Suid-Afrika geproduseer, soos gemeet deur die Departement van Onderwys se akkreditasie maatstaf. In 2008 het die universiteit 15,8% van alle meesters-en doktorsgrade in Suid-Afrika toegeken, die hoogste persentasie in Suid-Afrika.
Inhoud |
Hede [wysig]
In die 1980 het die universiteit sowat 13 000 studente gehad, maar in 2005 was daar reeds 38 499 residensiële studente aan die universiteit geregistreer, teenoor 28 093 in 2000. Die verhouding tussen wit en swart was 60:40. Buiten die residensiële studente was daar ook sowat 13 000 studente wat vir die universiteit se afstandsonderrigprogramme ingeskryf was, hoofsaaklik in die Fakulteit Opvoedkunde. Van hulle was meer as 95% swart.
Klasse het in 1989 op die Witbank-kampus begin.
Fakulteite [wysig]
Die universiteit het nege fakulteite:
- Ekonomiese en Bestuurswetenskappe
- Opvoedkunde
- Ingenieurswese, Bou-omgewing en Inligtingtegnologie
- Gesondheidswetenskappe
- Geesteswetenskappe
- Regte
- Natuuur- en Landbouwetenskappe
- Teologie
- Veeartsenykunde
Geboue [wysig]
- Eeufees Gebou
- Aula
- Ou Landbou
- Musaion
- Geesteswetenskappe Gebou
- Ou Chemie
- Dierkunde Gebou
- FABI
- Ou Lettere
- Ou Merensky Biblioteek (Edoardo Villa Museum)
- Ingenieurswese I
- Ingenieurswese II
- Ingenieurswese III - geleë op die Hatfieldkampus. Was teen Julie 2011 amper voltooi gewees.
- Oom Gert se Plek (studentekroeg)
Bekende alumni [wysig]
- Jacques Freitag - Suid-Afrikaanse rekordhouer in hoogspring
Bronne [wysig]
- Amptelike Tukkies-webwerf
- Schirmer, Peter. Die beknopte geïllustreerde ensiklopedie van Suid-Afrika, Central News Agency (Pty.) Ltd. Johannesburg, 1981.
