Verenigde Nasies
vanuit Wikipedia, die vrye ensiklopedie.
Die Verenigde Nasies, of VN, is 'n internasionale organisasie wat bestaan uit state. Amper alle lande is lede. Dit is gestig op 24 Oktober, 1945 in San Francisco, Kalifornië, na die Dumbarton Oaks Konferensie in Washington, DC, maar die eerste Algemene Vergadering, met 51 nasies verteenwoordig, is eers gehou op 10 Januarie, 1946 (gehou in Church House, Londen). Die organisasie bestaan uit 192 lidstate. Die doel van die organisasie is die fasilitering van samewerking rakende internasionale wetgewing, internasionale sekuriteit, ekonomiese ontwikkeling, sosiale vooruitgang en menseregte.
