Doupunt

in Wikipedia, die vrye ensiklopedie
Doupunt
Subklas vanphysical quantity, thermodynamic temperatureWysig
Faset vandouWysig
Bestudeer deurtermodinamikaWysig
ISQ dimensionWysig
Approximation algorithmMangus formulaWysig
Quantity symbol (LaTeX)Wysig
Recommended unit of measurementkelvinWysig
Spinnerak met dou

Die doupunt is die temperatuur tot waar 'n gegewe hoeveelheid lug afgekoel moet word by 'n konstante lugdruk om waterdamp te kondenseer. Die gekondenseerde water word dou genoem. Die doupunt is 'n versadigingspunt. As die doupunt-temperatuur onder vriespunt daal word daar nie dou gevorm nie maar ryp.

Die doupunt hang af van die relatiewe humiditeit (voggehalte) van die lug. 'n Hoë relatiewe humiditeit dui daarop dat die doupunt nader aan die lugtemperatuur is. 'n Relatiewe humiditeit van 100% dui daarop dat die doupunt gelykstaande is aan die heersende lugtemperatuur en dat die lug versadig is met water. As die doupunt konstant bly en die lugtemperatuur verhoog, sal die relatiewe humiditeit afneem.[1]

By 'n gegewe lugdruk en onafhanklik van die lugtemperatuur is die doupunt 'n aanduiding van die molfraksie water in die lug en daarom bepaal dit die spesifieke voggehalte van die lug. Die doupunt is 'n belangrike maatstaf vir weerkundiges, vlieëniers en ontwerpers van verkoelingstelsels.

Konstante druk[wysig | wysig bron]

By 'n gegewe lugdruk, onafhanklik van die lugtemperatuur, is die doupunt 'n aanduiding van die molfraksie waterdamp in die lug of, anders gestel, is dit 'n aanduiding van die spesifieke voggehalte van die lug – of steeds anders verwoord die verhouding van water tot lug. As die lugdruk styg sonder dat die voginhoud verander word, sal die doupunt ook styg en sal die water by 'n hoër temperatuur begin kondenseer. As die doupunt by Johannesburg en Durban dieselfde is, beteken dit dus dat daar meer vog in die lug in Johannesburg is (waar die lugdruk laer is).

Eksterne skakels[wysig | wysig bron]

Verwysings[wysig | wysig bron]

  1. Horstmeyer, Steve (15 Augustus 2006). "Relative Humidity....Relative to What? The Dew Point Temperature...a better approach" (in Engels). Steve Horstmeyer, Meteorologist, WKRC TV, Cincinnati, Ohio, USA. Geargiveer vanaf die oorspronklike op 1 Desember 2019. Besoek op 20 Augustus 2009.