East Coast Main Line

in Wikipedia, die vrye ensiklopedie
Die Verenigde Koninkryk se hoofspoorroetes. Die East Coast Main Line word in blou aangedui
'n British Rail-Klas 91-lokomotief trek 'n InterCity 225-passasierstrein op die Ooskus-hoefroete

Die East Coast Main Line (ECML) of Ooskus-hoofroete is 'n geëlektrifiseerde spoorweglyn in die Verenigde Koninkryk wat oor 'n afstand van 632 km (393 myl) tussen Londen, Peterborough, Doncaster, Wakefield, Leeds, York, Darlington, Newcastle, Edinburg en Aberdeen strek. Dit word as 'n hoëspoedlyn geklassifiseer aangesien die grootste deel daarvan geskik is vir snelhede van meer as 200 km (125 myl) per uur. Die hoofkonsessie vir die roete is aan East Coast Main Line Company Ltd. toegeken, 'n spoorwegmaatskappy in staatsbesit.

Die roete vorm die hoofaar aan die oostelike kant van Groot-Brittanje en loop grotendeels langs die A1-snelweg. Dit verbind Londen, Suidoos-Engeland en Oos-Anglia met Yorkshire, gebiede in die noord-ooste en Skotland en is daarnaas ook die belangrikste roete vir pendelaars in die noorde van die Britse hoofstad. Sodoende speel die Ooskus-hoofroete 'n belangrike rol vir die ekonomie van 'n aantal gebiede in die land. Naas pendelaars, streeks- en langafstand-passasiers word ook groot hoeveelhede vrag op hierdie roete vervoer.

Eksterne skakels[wysig | wysig bron]