Eltville am Rhein

in Wikipedia, die vrye ensiklopedie
Spring na: navigasie, soek
Eltville am Rhein
Die historiese middestad van Eltville am Rhein
Die historiese middestad van Eltville am Rhein
Official seal of Eltville am Rhein
Seël
Bynaam: Stad van wyn en rose

Ligging in die deelstaat Hesse
Ligging in die deelstaat Hesse
Ligging van Eltville am Rhein op 'n kaart (Duitsland)
Eltville am Rhein
Eltville am Rhein
Ligging in Duitsland
Koördinate: 50°2′N 08°07′O
Land Vlag van Duitsland Duitsland
Deelstaat Hesse
Administratiewe streek Darmstadt
Administratiewe distrik Rheingau-Taunus-Kreis
Regering
 - Burgemeester Patrick Kunkel (CDU)
Oppervlak
 - Stad 46,77 km²  (18,1 vk m)
Hoogte 95 m (312 vt)
Bevolking (31 Desember 2012)
 - Stad 16 647
 - Digtheid 356/km² (922/myl2)
Tydsone MET (UTC+1:00)
 - Somer (DST) MEST (UTC+2:00)
Poskode 65343-65347
Skakelkode(s) 06123 (Hattenheim: 06723)
Webwerf: www.eltville.de

Eltville am Rhein [ˈɛltvɪlə] is die oudste en grootste nedersetting in die Rheingau-streek en die administratiewe distrik Rheingau-Taunus-Kreis in die Duitse deelstaat Hesse. Bekend as die "Stad van wyn, vonkelwyn en rose" en die Gutenbergstadt , is Eltville 'n rustige klein stad wat regstreeks aan die Rynoewer geleë is en sy geskiedenis tot die Romeinse tydperk kan terugvoer toe dit as Alta Villa gestig is.

Later het Eltville 'n Frankiese nedersetting en die setel van 'n koningshof geword waar Boudewyn van Trier in 1330 met die bou van 'n kasteel begin het. Twee jaar later het keiser Lodewyk van Beiere stadsregte aan Eltville gegee. Ná Boudewyn se afsterwe in 1348 het die kasteel as die gunsteling-somerwoning van die keurvorste van Mainz gedien.

Eltville word ook met die vroeë geskiedenis van die drukkuns verbind. Op 17 Januarie 1465 het aartsbiskop en keurvors Adolf II van Nassau hier Johannes Gutenberg, die uitvinder van die drukpers, tot hofedelman verhef en 'n lyfrente aan hom toegeken wat belastingvryheid en kleding asook jaarliks 2 180 liter graan en 2 000 liter wyn ingesluit het. Gutenberg kon hierdie voorreg nog drie jaar lank geniet voordat hy in 1468 in Mainz oorlede is.