Fukushima-Daiichi-kernaanleg

in Wikipedia, die vrye ensiklopedie
Spring na: navigasie, soek
Die Fukushima-Daiichi-kernaanleg

Die Fukushima-Daiichi-kernaanleg (Japannees 福島第一原子力発電所), Fukushima daiichi genshiryoku hatsudensho "Fukushima-kernaanleg nommer 1", kort Fukushima I) is een van die grootste kernkragsentrales in Japan. Die aanleg is sowat 250 km noord van Tokio vlakby die Stille Oseaan-kus geleë. Die Fukushima-Daini- of Fukushima II-kernaanleg is twaalf kilometer verder geleë.

Fukushima I is die oudste kernaanleg wat deur die energieverskaffer Tōkyō Denryoku (Tokyo Electric Power Company - kort Tepco) bedryf word. As gevolg van die Tōhoku-aardbewing op 11 Maart 2011 en die daaropvolgende tsoenami is die kernaanleg deur 'n reeks ontploffings geruk nadat sy verkoelingstelsel ingegee het.

Op 12 April het die Japanse owerhede toegegee dat die ongeluk tot dieselfde hoë kategorie (7) behoort as die ongeluk van Tsjernobil.

Commons-logo.svg
Wikimedia Commons het meer media verwant aan: