Kernkrag

Kernkrag is die energie wat geproduseer word vanaf beheerde (nie-plofbare) kernreaksies. Kommersiële aanlegte gebruik tans hoofsaaklik kernsplytingsreaksies vir die opwekking van elektrisiteit. Elektriese nutsreaktore verwarm water om stoom te produseer, wat dan aangewend word vir die opwekking van elektrisiteit.

In 2009 was 15% van die wêreld se elektrisiteit afkomstig vanaf kernkrag. Daar is ook meer as 150 vlootvaartuie gebou wat kernaandrywing gebruik.