Gendarmenmarkt

in Wikipedia, die vrye ensiklopedie
Spring na: navigasie, soek
Gendarmenmarkt: Duitse Domkerk (links) en konsertgebou (regs)
Die Schiller-monument is deur Reinhold Begas geskep

Die Gendarmenmarkt is een van die mooiste Berlynse pleine. Die plein word gekenmerk deur twee kerke van eenderse voorkoms, weerskante van die plein.

Die plein het aan die einde van die sewentiende eeu ontstaan as 'n markplein van die nuwe Friedrichstadt. Dit is vernoem na die Regiment Gens d'Armes wat hier hul kaserne gehad het. Vanaf 1950 heet die plein Platz der Akademie, maar ná die hereniging van Berlyn is die oorspronklike naam herstel.

In die pleinmidde, voor die ingang van die konsertgebou, staan 'n monument van die digter Friedrich Schiller. Die konsertgebou (Konzerthaus) is tussen 1818 en 1821 deur die Berlynse argitek Karl Friedrich Schinkel gebou, en tel onder een van sy mees geslaagde geboue.

Die twee kerke aan weerskante van die plein sien met eerste oogopslag eenders uit, maar verskil wel. Die Franse Domkerk (Französischer Dom) aan die regterkant van die konsertgebou is tussen 1701 en 1705 vir die Hugenote gebou wat uit Frankryk gevlug het. Die Deutscher Dom is in 1708 vir protestante gebou.

Commons
Wikimedia Commons het meer media verwant aan:

Koördinate: 52°30′48″N 13°23′35″O