Graham Swift

Graham Swift
Gebore	Graham Colin Swift 4 Mei 1949 Londen, Verenigde Koninkryk
Nasionaliteit	Verenigde Koninkryk
Alma mater	Universiteit van Cambridge Universiteit van York
Beroep	Romanskrywer
Bekend vir	Waterland (1983) Last Orders (1996)

Graham Colin Swift (gebore 4 Mei 1949) is 'n Engelse skrywer van romans, kortverhale en gedigte. Hy het die Booker-prys in 1996 gewen vir sy roman Last Orders. Hierdie toekenning was ietwat kontroversieel, nie net omdat Swift se uitstekende roman Waterland soveel eerder aanspraak op hierdie toekenning kon maak nie, maar ook omdat Swift onnodig daarvan beskuldig is dat hy elemente van sy roman se handeling by William Faulkner se As I Lay Dying afgeloer het. Waterland word algemeen beskou as een van die beste romans van na die Tweede Wêreldoorlog. Stephen Gyllenhaal het in 1992 'n rolprentverwerking daarvan vrygestel met Jeremy Irons in die hoofrol.