4 Mei

4 Mei is die 124ste dag van die jaar in die Gregoriaanse kalender (125ste in skrikkeljare). Daar volg nog 241 dae in die jaar.

Inhoud

1408 - Pous Gregorius XII belê 'n vergadering van die kardinale in Lucca en verbied hulle om die stad te verlaat. Sewe kardinale ignoreer die bevel en vertrek na Pisa.
1493 - Pous Alexander VI publiseer die bul "Inter Caetera" wat die nuut-ontdekte Amerikas verdeel tussen Spanje en Portugal.
1671 - Antonio Pignatelli (Later Pous Innocentius XII) word aartsbiskop van Lecce.
1791 - Pous Pius VI publiseer "Quo luctu" met die toelating dat nie-priesters die sakramente mag bedien tydens die Franse onderdrukking.
1912 - Italië beset die eiland Rhodes.
1924 - Die Olimpiese Somerspele 1924 open in Parys, Frankryk.
1930 - Britse polisie arresteer Mahatma Gandhi en plaas hom in die Yeravda gevangenis.
1932 - In Atlanta, Georgia, begin Al Capone sy elf-jaar lange gevangenisstraf vir belasting ontduiking.
1942 - Tweede Wêreldoorlog: Slag van die Koraalsee - Die slag begin met die lansering van gevegsvliegtuie vanaf die Amerikaanse en Japanese vliegdekskepe.
1945 - Tweede Wêreldoorlog: Bevryding van die konsentrasiekamp Neuengamme naby Hamburg deur die Britse weermag.
1945 - Tweede Wêreldoorlog: Die Noord Duitse weermag gee oor aan Maarskalk Bernard Montgomery.
1948 - Norman Mailer se eerste boek, The Naked and the Dead, uitgegee.
1959 – Die eerste Grammy Toekenings aangekondig.
1979 - Margaret Thatcher word ingesweer as die eerste vroulike eerste Minister van die Verenigde Koninkryk.