Gras

in Wikipedia, die vrye ensiklopedie
Spring na: navigasie, soek
Gras
Zoysia gras in blom

Gras verwys in hierdie ensiklopedie na al die spesies van plante wat as eetbaar deur diere van die veld as voedsel gebruik word.

Wetenskaplik gesproke ressorteer die grasse in die familie Poaceae (ware grasse). Dit is 'n massiewe groot familie met ongeveer 10 000 wilde en makgemaakte spesies, die vyfde grootste plantfamilie op aarde.

Hoewel ook algemeen "grasse" genoem, val die seegrasse, riete en biesies buite hierdie familie. Die riete en biesies is verwant aan die Poaceae, synde lede van die orde Poales, maar die seegrasse is lede van die orde Alismatales.

Grasveld verteenwoordig 'n beraamde 20% van die totale plantegroei van die aarde. Poaceae oorleef in baie ander habitate, insluitende vleilande, woude en toendra.

Die veredeling van graangewasse soos mielies, koring, rys, gars en rog het die grondslag gelê vir 'n stabiele lewe en beskawing in die wêreld, en die grasse is nog steeds die ekonomies-belangrikste plantfamilie van die moderne tyd. Dit verskaf voer vir lewende hawe, boumateriaal (bv. bamboes en grasdakke), sportvelde en brandstof (etanol), sowel as kos en drank vir mense.

Hierdie artikel is in sy geheel of gedeeltelik vanuit die Engelse Wikipedia vertaal.