Helpmekaar
- Die artikel handel oor die skool in Johannesburg, vir die dorp, sien Helpmekaar, KwaZulu-Natal.
| Helpmekaar | |
| Leuse | Komaan |
|---|---|
| Gestig | 1921 |
| Tipe | Privaat |
| Hoof | Mnr. Klaus König |
| Personeel | 40 |
| Adres | Mellestraat, Braamfontein |
| Stad | Johannesburg |
| Provinsie | Gauteng |
| Land | Suid-Afrika |
| Kleure | |
| Koshuis(e) | William Nicol |
| Webblad | Tuisblad |
Helpmekaar Kollege is 'n Afrikaanse hoërskool in die voorstad Braamfontein in Johannesburg. Sowat 750 leerders gaan tans hier skool.[1] Dit was die eerste Afrikaanse privaat hoërskool in Suid-Afrika.
Helpmekaar het drie "Huise:" Empire (vernoem na Empireweg), Melle (vernoem na Mellestraat) en Smuts (vernoem na Jan Smutsweg) - die drie strate wat die skool omring. Helpmekaar was die eerste Afrikaanse hoërskool in Johannesburg.
Inhoud |
[wysig] Geskiedenis
Helpmekaar het begin as Hoërskool Helpmekaar in 1921. Die skool is vier jaar lank in nie-permanente geboue gehuisves, totdat die huidige skoolgebou in September 1925 voltooi en in gebruik geneem is.
In 1941 het die meisieskool, Hoër Meisieskool Helpmekaar, vanaf die Hoër Seunskool Helpmekaar geskei.
In 1992 privatiseer die skool en smelt die seuns en meisies weer saam, om Helpmekaar Kollege te vorm - die eerste Afrikaanse privaat hoërskool in die land.
[wysig] Kampus
Helpmekaar is geleë in Braamfontein, Johannesburg op die hoek van Melle- en Empire-straat. Die skool terrase is bestaande uit die die ou gebou (meer bekend as die "Towers"), die nuwe geboue asook die terrase. Buiten dit het die skool ook 'n rugbyveld, 3 tennisbane, 2 sale, 'n swembad en 'n koshuis.
[wysig] Kurrikulum
Helpmekaar volg die IEB kurrikulum[2] en lewer tans ook ander akademiese geleenthede waaronder die SAT (Standardised Aptitude Tests) - Amerikaanse Toelatingseksamen. Vakke wat aangebied word sluit in:
- Afrikaans Eerste Taal
- Engels Eerste Taal
- Engels Tweede Taal
- Wiskunde
- Wiskunde Geletterdheid
- Wiskunde Vraestel 3
- Lewensoriëntering
- Rekeningkunde
- Besigheidstudies
- Ekonomie
- Inligtingstegnologie
- Spaans
- Duits
- Frans
- Visuele kunste
- Dramatiese kunste
- Tegniese tekeninge
- Gevorderde Wiskunde
