IBM

IBM (Engels vir International Business Machines Corporation) is 'n groot Amerikaanse maatskappy wat sagteware en rekenaarhardeware vervaardig en verkoop. Hulle lewer ook rekenaarverwante ondersteuning en konsultasiedienste. IBM is die grootste Inligtingstegnologie-maatskappy ter wêreld en het vir baie jare die meeste patente van enige ander tegnologiemaatskappy gehou.

IBM het vroeër ook persoonlike rekenaars vervaardig, maar die deel van die maatskappy is later aan Lenovo, 'n Sjinese maatskappy, verkoop.