Juan Pablo Montoya

in Wikipedia, die vrye ensiklopedie
Spring na: navigasie, soek
Juan Pablo Montoya in 2002.

Juan Pablo Montoya Roldán (gebore 20 September 1975) is 'n Colombiaanse renjaer wat tans in die Amerikaanse NASCAR-reeks deelneem vir Chip Ganassi Racing.

Loopbaan[wysig]

Juan het op die ouderdom van ses jaar met renstelle in Colombië begin deelneem en drie jaar later 'n nasionale kampioenskap gewen. Daarna het Montoya in verskeie formule kampioenskappe deelgeneem, onder andere, Formula Renault, Formula Vauxhall, Formula Three (Britse Kampioenskap).

In 1998 wen hy die Formula 3000 Internasionale Kampioenskap (Nick Heidfeld was die naaswenner), terwyl hy vir die Williams Formule Een Span toetswerk (ontwikkeling) verrig. In 1999 skuif Montoya na die VSA en wen die CART Kampioenskap in sy eerste seisoen. In 2000 wen Montoya die Indianapolis 500 en skuif in 2001 na Formule Een.

Formule Een[wysig]

In 2001 vervang Juan Montoya vir Jenson Button by die BMW WilliamsF1 Span. In slegs Montoya se derde wedren (Brazil 2001) steek hy vir Michael Schumacher verby en neem die eerste plek in die wedren, om later in 'n botsing met Jos Verstappen betrokke te raak en nie die wedren te voltooi nie.

Gedurende Montoya se eerste seisoen mis hy op 'n paar geleenthede uit om sy eerste Grand Prix te wen, veral weens tegniese probleme (Hockenheim).

By die Italiaanse Grand Prix in Monza wen Montoya sy eerste wedren in sy eerste seisoen!

2002 is nie 'n goeie jaar vir WilliamsF1 nie. Montoya wys egter sy staal in die kwalifiserende rondtes op Saterdae deur sewe "pole positions" in 'n ry te verower.

In 2003 wen Montoya byna die Wêreld Kampioenskap na oorwinnings in Monaco (Monte Carlo) en Hockenheim (Duitsland). Na 'n ongeluk met Barrichello in die VSA Grand Prix by Indianapolis is Montoya se kanse op die Kampioenskap verby.

Na interne struwelinge met die Williams Span, kondig Montoya vroeg in 2004 aan dat hy vanaf 2005 vir McLaren Mercedes-Benz sal ry. 2004 is 'n baie teleurstellende jaar vir Williams, maar Montoya wen sy laaste Grand Prix vir sy "ou" span in Brazil aan die einde van die seisoen.

Vroeg in 2005 beseer Montoya sy skouer (verskeie bronne beweer in 'n tenniswedstryd, ander beweer op 'n motorfiets) en mis twee Grands Prix by sy nuwe McLaren span. Montoya wen drie Grands Prix vir McLaren in sy eerste jaar (Brittanje, Italië en Brasilië).

Montoya se verhouding met die McLaren span vorder nie juis goed nie, en nadat McLaren nie in 2006 sy kontrak hernu nie, verlaat Montoya McLaren en Formule Een in die helfte van die seisoen (na die VSA Grand Prix).

NASCAR[wysig]

Montoya het kort na die 2006 VSA Grand Prix aangekondig dat hy na NASCAR toe gaan verskuif vir sy ou CART span, Chip Ganassi Racing. Montoya het sy eerste NASCAR wedren in derde posisie voltooi.

Gemeenskap[wysig]

Juan Pablo Montoya, 2014

Juan Montoya en sy vrou, Connie, doen verskeie welsynswerk in Kolombië en in die res van die wêreld.

Loopbaanhoogtepunte[wysig]

Wen 1999 CART Kampioenskap vir Chip Ganassi Racing

Wen 2000 Indianapolis 500 vir Chip Ganassi Racing

Wen 2001 Italiaanse Grand Prix by Monza vir BMW WilliamsF1

Breek in 2002 die rekord vir die vinnigste rondte in die geskiedenis van Formula Een (gegrond op die hoogste gemiddelde spoed om die baan) by Monza

Wen 2003 Monaco Grand Prix in Monte Carlo vir BMW WilliamsF1

Wen 2003 Duitse Grand Prix by Hockenheim vir BMW WilliamsF1

Wen 2004 Braziliaanse Grand Prix by Interlagos vir BMW WilliamsF1

Wen 2005 Britse Grand Prix by Silverstone vir McLaren Mercedes-Benz

Wen 2005 Italiaanse Grand Prix by Monza vir McLaren Mercedes-Benz

Wen 2005 Braziliaanse Grand Prix by Monza vir McLaren Mercedes-Benz

Eksterne skakels[wysig]