Kangogrotte

in Wikipedia, die vrye ensiklopedie
Spring na: navigasie, soek
Stalaktiete en stalagmiete in die Kangogrotte
Cango Caves Oudtshoorn 3.jpg
Cango Caves Oudtshoorn 1.jpg
'n Formasie in die Kangogrotte

Die Kangogrotte is in die Swartberg geleë, naby Oudtshoorn in die Weskaap, Suid-Afrika. Dit word beskou as een van Suid-Afrika se grootste natuurwonders.

Geskiedenis[wysig]

Die grotte was bekend aan die San. Hulle het dit as skuilplek gebruik, 'n afleiding wat gemaak kan word weens die groot hoeveelheid tekeninge op die ingangsmure. Die ingang is in 1780 deur 'n veewagter ene Van Zyl ontdek toe hy verlore vee gesoek het. Later het Van Zyl 'n tou en agt slawe geneem om die grot te ondersoek. Hy is ongeveer 10m diep in die eerste groot saal (98m lank, 49m breed en 15m hoog) laat sak.

Die grond is in 1828 aan P. van der Westhuizen toegeken, wat die grotte beskerm het. Die veldkornet van die Kangovallei het begin om toegangsgeld te vra en boetes vir oortreders op te lê. Johnny van Wassenaar was die eerste gids toe hy 'n hek in 1891 by die ingang aangebring het. Die beheer van die grotte is in 1921 na die munisipaliteit van Oudtshoorn oorgedra. Daardie jaar was daar 129 besoekers. Die grotte is in 1938 tot 'n nasionale monument verklaar. Slegs die eerste 760 m is vir die publiek toeganklik.

Verdere ontdekkings[wysig]

Verdere grotte is later ontdek, wat egter nie vir die publiek oopgestel is nie. Kango 2, die Wondergrot, 'n verlenging van ongeveer 270 m, is in 1972 ontdek en Kango 3, 'n reeks kamers van 1 600 m, is in 1975 ontdek.

Bron[wysig]