Kassel

in Wikipedia, die vrye ensiklopedie
Spring na: navigasie, soek

Kassel
Kassel Schloss WAllee f Herkules f w.jpg

Kaart Wapen
Kassel-Position.png
Coat of arms of Kassel.svg
Vlag
Kassel flag.jpg
 Land Flag of Germany.svg Duitsland
 Deelstaat Flag of Hesse.svg Hesse
 Koördinate 51°19′N 09°30′O
 Stigting Voor 913
 Stadstatus 1189
 Oppervlak:  
 - Totaal 106,79 vk km
 Hoogte bo seevlak 166 m
 Bevolking:  
 - Totaal (31 Desember 2010) 195 530
 - Bevolkingsdigtheid 1 831/vk km
 Tydsone UTC +1 (MET)
 Klimaat  
 - Tipe Gematigde klimaat
 - Gemiddelde jaarlikse temperatuur 8,5 °C
 - Gem. temp. Januarie/Julie -0,2 / 17,2 °C
 - Gemiddelde jaarlikse neerslae 699 mm
 Burgemeester Bertram Hilgen (SPD)
 Amptelike Webwerf www.kassel.de

Kassel (tot en met 1926 amptelik Cassel) is die derde grootste stad in die Duitse deelstaat HesseFrankfurt am Main en Wiesbaden.

Kassel is die historiese hoofstad van Hessen en het tussen 1277 en 1866 as regeringsetel gedien. Die stad is tans die administratiewe sentrum van die distrik Kassel en die Landkreis (munisipaliteit) Kassel.

Die stad het internasionale bekendheid verwerf met die kunsuitstalling documenta wat sedert 1955 elke vier of vyf jaar hier gehou word. Sedert Maart 1999 dra Kassel ook die amptelike bynaam documenta-Stadt.

Geografie[wysig]

Ligging in Hesse
Die Fuldarivier in Kassel

Kassel is sowat 70 kilometer noordwes van die geografiese middelpunt van Duitsland geleë en sodoende naas Erfurt (Thuringen) en Göttingen (Nedersakse) die mees sentraal geleë van alle Duitse stede met meer as 100 000 inwoners.

Kassel lê in die noordelike gedeelte van Hessen naby die grens met Nedersakse in die sogenaamde Kasseler Becken, 'n ruim keteldal wat ook die uitgestrekte vlaktes van die Fuldarivier behels. Die keteldal word deur vyf bergreekse omring: Die Langenbergen in die suidweste en die Habichtswald in die weste (wat albei deel uitmaak van die Habichtswald-natuurpark), die suidelike uitlopers van die Reinhardswald in die noordooste, die Kaufunger Wald (wat deel uitmaak van die Meißner-Kaufunger Wald-natuurpark) in die ooste en die Söhre in die suidooste en suide.

Hierdie vyf bergreekse word deur twee bergrûens, wat noord en suid van Kassel in wes-oostelike rigting loop, met mekaar verbind sodat die Kasseler Becken - afgesien van die Fulda se riviervallei, wat in noord-suidelike rigting deur die berge sny - volledig deur berggebiede omsluit word.

Die stadsgebied se warm en milde mikroklimaat verskil duidelik van die klimaattoestande van sy bergagtige omgewing. Danksy die beskermde ligging in 'n keteldal, wat deur hoër geleë bosgebiede omsluit word, is Kassel teen swaar onwere beskut, en aangesien die lug veral in die somer in die keteldal vasgevang word, word in die laer geleë stadsbuurte dikwels temperature aangeteken wat tussen 3 en 5 °C hoër as in die omgewing is.

Die belangrikste stede en dorpe, wat aan Kassel se stadsgebied grens, is Baunatal, Vellmar, Niestetal, Fuldatal, Fuldabrück, Kaufungen en Lohfelden. Kassel word deur drie snelweë (die A7, A44 en A49), vyf nasionale roetes en 'n aantal belangrike spoorlyne (waaronder ICE-treinverbindings) en die nabygeleë lughawe Kassel-Calden met ander metropole verbind. Die mees nabygeleë stede is Hannover (met 'n padafstand van 164 kilometer noord van Kassel), Göttingen (55 kilometer noordoos van Kassel), Erfurt (185 kilometer oos van Kassel), Frankfurt am Main (193 kilometer suid van Kassel), Siegen (165 kilometer suidwes van Kassel), Dortmund (165 kilometer wes van Kassel) en Paderborn (84 kilometer noordwes van Kassel).