Kopersbond
Die Kopersbond was ‘n groot koöperatiewe handelsmaatskappy met die primêre doel om die Afrikaner ‘n vastrapplek in die sakewêreld te gee.
Die firma is in Maart 1940 in Johannesburg gestig en het deur inlywing van ander maatskappye ontwikkel tot een van die grootste groothandelsondernemings in die land, met kantore in Kaapstad en Windhoek. Aan honderde kleinhandelswinkels (en selfs afgeleë plaaswinkels) is voorraad soos materiale, klerasie vir dames en mans, meubels en boekhou- en rekenmasjiene verskaf. Die firma het o.a. sy eie meubelfabriek bekend om sy stinkhoutmeubels bedryf. Dit het verskeie invoerlisensies besit en sodoende kontakte met ‘n aantal buitelandse bedrywe onderhou. In 1946 was die Kopersbond die alleenagent vir DDT in Suider-Afrika. In 1944 het dit ‘n belang in die Spoorbondkas verkry. Van toe af was dit ‘n finansiële instelling en het dit byvoorbeeld aan Anton Rupert £2500 geleen om sy maatskappy Voorbrand, ‘n voorloper van die firma Rembrandt van Rijn, te stig.
Die Kopersbond het goeie betrekkinge met die Ossewabrandwag gehad.
In jukskei word om die Kopersbond Trofee meegeding.
Bibliografie[wysig | wysig bron]
- Die O.B., 13 Desember 1944 (op internet)
- Rosenthal, Eric (red.): Ensiklopedie van Suidelike Afrika. Londen: Frederick Warne, 1967