La grande bellezza
| La grande bellezza | |
|---|---|
| |
| Regisseur | Paolo Sorrentino |
| Produksieleier | Nicola Giuliani Francesca Cima Fabio Conversi |
| Draaiboek | Paolo Sorrentino Umberto Contarello |
| Met | Toni Servillo Carlo Verdone Sabrina Ferilli Carlo Buccirosso |
| Musiek deur | Lele Marchitelli |
| Kinematografie | Luca Bigazzi |
| Redigeerder | Cristiano Travaglioli |
| Ateljee | Indigo Film Medusa Film Babe Films Pathé |
| Verspreider | Medusa Film |
| Uitgereik | 21 Mei 2013 |
| Speeltyd | 142 minute (Director's Cut: 173) |
| Land | Italië Frankryk |
| Taal | Italiaans |
| Begroting | €9,2 miljoen |
| Bruto wins | VSA-$24 164 400 |
| Amptelike webtuiste | |
| IMDb-profiel | |
La grande bellezza [la ˈɡrande belˈlettsa] is 'n Italiaanse satiriese kunsdrama-rolprent wat in 2013 onder regie van Paolo Sorrentino verfilm is. Sorrentino was daarnaas ook die mededraaiboekskrywer. Die rolprent is vanaf 9 Augustus 2012 in Rome geskiet en het sy première ter geleentheid van die Cannes-rolprentfees in 2013 gehad waar dit om die Goue Palm-filmprys (Palme d'Or) meegeding het.
Storie[wysig | wysig bron]
Die rolprent begin met 'n aanhaling uit Voyage au bout de la nuit ("Reis tot die einde van die nag"), die Franse skrywer Louis-Ferdinand Céline (1894–1961) se eerstelingroman wat in 1932 gepubliseer is.
Reis is 'n baie nuttige ervaring: dit laat jou verbeelding hoog vlieg, alle ander dinge is net teleurstellings en moeilikhede. Ons reis uitsluitlik binne onsself - en hierin lê die sterkte van dié reis.
Ná sy 65ste verjaardag voel Jep Gambardella, 'n kultuurjoernalis met 'n passie vir partytjies en mooi vroue, verlore tussen die nostalgie van die verlede - sy eerste liefde, die sukses van sy eerstelingroman wat nooit opgevolg is deur verdere publikasies nie - en die onsekerheid van die toekoms. Jep besef dat sy lewe maar oppervlakkig was en dat die lewensjare, wat nog aan hom gegun sal wees, moontlik min in getal is. Toe hy verneem dat sy eerste groot liefde op haar sterfbed lê, word sy weemoed al hoe groter. So begin hy met 'n soektog na ware skoonheid, tussen die moreel agteruitgaande bourgeoisie van Rome en die stereotipes van die beskawing.
Eksterne skakels[wysig | wysig bron]
- Media
- Artikels
- Turismo Roma: Discover Rome - Discovering “The Great Beauty” Geargiveer 31 Augustus 2019 op Wayback Machine