LibreOffice

in Wikipedia, die vrye ensiklopedie
Spring na: navigasie, soek
LibreOffice
LibreOffice 340 Afrikaans.png

Ontwikkelaar The Document Foundation
Bedryfstelsel Microsoft Windows, Mac OS X, Linux
Kategorie Kantoorpakket
Lisensie GPL
Webblad http://www.libreoffice.org

LibreOffice is 'n vrye sagteware kantoorpakket ontwikkel deur die Document Foundation as 'n vertakking van OpenOffice.org. Dit is verenigbaar met ander bekende kantoorpakette insluitend Microsoft Office en IBM Lotus, en is beskikbaar op 'n verskeidenheid bedryfstelsels. Die ontwikkelaars se doel is om 'n ondernemer-onafhanklike kantoorpakket met ODF ondersteuning en sonder enige kopiereg vereistes te produseer. Die naam is 'n saamgestelde woord met die eerste deel Libre, wat beteken gratis (soos in vryheid) in beide Spaans en Frans, en die Engelse woord Office. Die Document Foundation beoog om nuwe weergawes van LibreOffice vry te stel een keer elke ses maande en uiteindelik in lyn met die Maart / September skedule van die ander belangrike vrye sagteware projekte.[1]

LibreOffice 3.3 is reeds meer as 1.3 miljoen keer afgelaai[2] van die internet en is die standaard kantoorpakket van Ubuntu[3], Linux Mint[4], Fedora[5] en openSUSE[6].

Komponente[wysig]

Die komponente van LibreOffice is dieselfde as dié van OpenOffice.org, en bestaan uit onder meer die volgende:

LibreOffice Writer is die woord verwerker in LibreOffice, met 'n soortgelyke funksie en lêer ondersteuning as die van Microsoft Word of Word Perfect. Dit kan ook dien as 'n basiese WYSIWYG wysiger.[7]

LibreOffice Calc is die sigbladprogram ingesluit, soortgelyk aan Microsoft Excel of Lotus 1-2-3. Dit het 'n aantal unieke eienskappe, insluitend 'n stelsel wat outomaties 'n reeks grafieke definiëer, gebaseer op beskikbare inligting vanaf die gebruiker.[8]

LibreOffice Impress is die voorleggingsprogram in die pakket, wat lyk en funksioneer soos Microsoft Powerpoint. Voorleggings kan uitgevoer word as SWF-lêers, wat hulle toelaat om besigtig te word op 'n rekenaar met Adobe Flash daarop geïnstalleer.

LibreOffice Base is die pakket se databasis program, ook soortgelyk aan Microsoft Access. LibreOffice Base laat die opstel en bestuur van databasisse toe, sowel as die voorbereiding van vorms en verslae wat gebruikers maklike toegang tot data verskaf. Soos Access, kan dit gebruik word as 'n front-end vir verskillende databasis stelsels, insluitend die toegang databasisse (JET), ODBC databronne, en MySQL of PostgreSQL.

Geskiedenis[wysig]

Op 28 September 2010 het verskeie lede van die OpenOffice.org projek saamgekom om 'n nuwe groep genaamd "The Document Foundation" te stig. The Document Foundation skep LibreOffice vanuit die OpenOffice.org projek, oor kommer dat Oracle Corporation verdere ontwikkeling op die OpenOffice.org projek sou staak, of beperkings sou plaas daarop as gevolg van die oopbron natuur daarvan, soos dit die geval was met die OpenSolaris projek.

Dit was oorspronklik gehoop dat die LibreOffice naam tydelik sou wees. [9] Oracle is genooi om 'n lid van The Document Foundation te word, maar het die uitnodiging verwerp en weier om die OpenOffice.org naam te skenk aan die projek.[10] Oracle het ook verder daarop aangedring dat al die lede van die OpenOffice.org Gemeenskapsraad betrokke by Die Document Foundation bedank uit die raad, met verwysing na 'n konflik van belang.[11]

As gevolg van die vertakking van OpenOffice.org na LibreOffice, en die gevolglike verlies van die ontwikkelaars, het Oracle aangekondig in April 2011 dat dit die kommersiële ontwikkeling van OpenOffice.org beëindiging is.[12]

Lêerformaat[wysig]

Die lêerformaat van LibreOffice is deur die Organisasie vir die Bevording van Gestruktureerde Inligingstandaarde (OASIS) as basis vir die nuwe uitwisselingsformaat, OpenDocument, gebruik, wat ook die standaardformaat van LibreOffice is. Die XML-lêers is saamgepers en gebruik hierdeur baie minder as konvensionele kantoorpakketlêers. LibreOffice se voorganger - OpenOffice.org het in Europa 'n aantal belangrike suksesse behaal; tans skakel steeds meer openbare Europese instellings oor na OpenOffice.org en LibreOffice.[13] So het die Franse polisie byvoorbeeld aangekondig dat hulle 80 000 lessenaarrekenaars van Microsoft Office na OpenOffice.org gaan migreer.[14] Die Europese Unie het ook beplan om die OASIS-dokumentformaat as amptelike norm voor te skryf, waarna alle owerhede in Europa verplig sal wees om hulle dokumente in hierdie formaat te stoor. Microsoft Office 2010 kan ook die ODF lêerformaat lees en daarin stoor as gevolg van druk op Microsoft vanaf die Europese Unie.[15]

Sien ook[wysig]

Verwysings[wysig]