Lorenzo de' Medici
in Wikipedia, die vrye ensiklopedie
Lorenzo de' Medici (1 Januarie 1449 – 9 April 1492) was 'n Italiaanse staatsman en die de facto heerser van die Florentynse Republiek tydens die Italiaanse Renaissance. Eietydse burgers van Florence het na hom as "Lorenzo die Manjifieke" verwys (Lorenzo il Magnifico). Hy was 'n diplomaat, politikus en begunstiger van akademici, kunstenaars en digters. Hy het tydens die hoogtepunt van die vroeë Italiaanse Renaissance geleef en sy dood merk ook die einde van Florence se sogenaamde Goue Tydperk. Hy het gehelp om vrede tussen die verskeie Italiaanse state te onderhou, maar dié is na sy dood tot niet gegaan. Hy is in die Medici-kapel in Florence begrawe.
