Malaria

in Wikipedia, die vrye ensiklopedie
Spring na: navigasie, soek
Malaria
Klassifikasie en eksterne bronne
’n Rooibloedsel wat aangetas is deur Plasmodium vivax, ’n spesie protiste wat malaria veroorsaak.
’n Rooibloedsel wat aangetas is deur Plasmodium vivax, ’n spesie protiste wat malaria veroorsaak.
ICD-10 B50-B54
ICD-9 084
OMIM 248310
DiseasesDB 7728
MedlinePlus   000621
eMedicine med/1385emerg/305 ped/1357
MeSH C03.752.250.552
Star of life caution.svg Mediese waarskuwing

Malaria, afgelei van mala aria (Italiaans: "slegte lug"), of moeraskoors is 'n parasitiese siekte wat ongeveer 350-500 miljoen mense elke jaar aantas en nagenoeg 1,3 miljoen sterftes tot gevolg het. Die siekte word hoofsaaklik in die trope aangetref. Ongeveer 85% van hierdie sterftes vind in Sub-Sahara Afrika plaas. Malaria word veroorsaak deur Plasmodium falciparum, P. vivax, P. malariae, P. knowlesi en P. ovale waarvan P. falciparum verantwoordelik is vir 80% van alle sterftes aan malaria.Wêreldgesondheidsorganisasie

Malaria word oorgedra deur die wyfie van die Anopheles ssp. muskiet. Kinders onder die ouderdom van vyf jaar en verwagtende vroue is die vatbaarste vir malaria en word die ergste deur die siekte getref.

Simptome[wysig]

Die simptome van malaria sluit die volgende in: koors, bewing, gewrigspyne, braking, anemie (weens die hemolise), hemoglobienurie(aanwesigheid van hemoglobien in die urine), retinale skade en stuiptrekkings. Die kenmerkende simptoom van malaria is die sikliese aard van die koors waarvan die duur tussen die verskillende spesies wat die siekte veroorsaak, wissel.

Diagnose[wysig]

Soos met enige siekte, is dit beter hoe vroeër die korrekte diagnose gemaak word, in malaria se geval deur bloedtoetse in 'n geskikte laboratorium. Pasiënte wat aan bogenoemde simptome lei, veral hoë koors, moet hul geneesheer dadelik in kennis stel indien hulle onlangs 'n malariagebied besoek het.

Behandeling[wysig]

Daar bestaan wel effektiewe geneesmiddel-behandelings op die farmaseutiese mark, beskikbaar by alle apteke.

Geneeshere van vermoedelike malariapasiënte behoort ook amptelike publikasies te raadpleeg (verkieslik op aanlyn-webwerwe), aangesien die aanbevole regimens voordurend aangepas word soos nuwe geneesmiddels beskikbaar word.