Marcel Proust

in Wikipedia, die vrye ensiklopedie
Spring na: navigasie, soek

Marcel Proust 1900-2.jpg

Marcel Proust

Franse skrywer, kritikus en essayis


Handtekening
Marcel Proust signature.svg


Gebore
10 Julie 1871
in Auteuil, Parys,
Frankryk


Oorlede
18 November 1922
in Parys, Frankryk


Literêre stroming
Impressionisme
Modernisme


Bekende werke

Proust 08.jpg
À la recherce du temps perdu (1913-1927)

Valentin Louis Georges Eugène Marcel Proust ([maʁsɛl pʁust]; * 10 Julie 1871, † 18 November 1922) was 'n Franse skrywer, kritikus en essayis wat veral met sy omvangryke roman en hoofwerk À la recherche du temps perdu bekendheid verwerf het.

In dié werk, wat tussen 1913 en 1927 in sewe boekdele gepubliseer is, gee Proust 'n noukeurige beskrywing van die mondaine Franse samelewing in die Belle Époque- of Fin de siècle-tydperk met al sy aspekte. Die struktuur van À la recherche du temps perdu ("Op soek na die verlore tyd") was rigtingwysend vir die ontwikkeling van die moderne roman. Opvallend is die sirkulariteit van ruimte en tyd. Die gebeure word nie meer in 'n chronologiese volgorde vertel nie, die verlede en teenswoordige tyd loop parallel met mekaar.[1]

Lewe[wysig]

Proust is op 10 Julie 1871 in die huis van sy grootoom in Auteuil in die suidweste van die 16de Paryse stadsdistrik (arrondissement) gebore, twee maande nadat die Frans-Pruisiese Oorlog met die Vredesverdrag van Frankfurt formeel beëindig is. Parys is destyds deur swaar onluste - die sogenaamde Paryse Commune - geruk, en tienduisende mense het in die bloedige onderdrukking daarvan gesterf. Proust het sy kinderjare in die vroeë Derde Franse Republiek deurgebring, en dit is juis die groot sosiale omwentelinge van die Fin de siècle, soos die agteruitgang van die Franse adel en die opkoms van die middelklas, wat sentraal staan in Proust se hoofwerk.

Verwysings[wysig]

  1. Dr. Detlef Langermann (red.): Duden Abiturwissen Literatur. Tweede hersiene uitgawe. Mannheim, Leipzig, Wene en Zürich: Dudenverlag 2007. Berlyn en Frankfurt am Main: DUDEN PAETEC Schulbuchverlag 2007, bl. 355-356

Eksterne skakels[wysig]

Essays in Afrikaans