Mokoro

Twee mekoro

'n Mokoro (plaaslik: [mʊkɔrɔ], meervoud: mekoro) is 'n tipe kano wat algemeen op die Okavangodelta in Botswana gebruik word. Dit word oor die delta se vlak water voortgedryf deur daarop te staan en met 'n paal teen die bodem te stoot.

Mekoro wat vir seekoeie wag.

Tradisioneel word mekoro gemaak deur die stam van 'n groot, reguit boom uit te hol. Ebbehout, of die stam van 'n worsboom, word meestal hiervoor ingespan. Moderne mekoro word egter toenemend van veselglas vervaardig. Een van die voordele hiervan is dat bedreigde bome behoue bly en nie onnodig afgekap word nie.

Safari's op mekoro is gewild onder toeriste wat die gebied se nasionale parke besoek. Daarteenoor is die bote steeds 'n praktiese manier vir die inwoners om oor die moerasse te beweeg.

Seekoeie kan hierdie bote met gemak omslaan, wat die mekoro uiters kwesbaar maak. Die seekoeie het na bewering die gedrag ontwikkel nadat mekoro en ander bote vir jagdoeleindes gebruik is.

Eksterne skakels

• Wikimedia Commons het meer media in die kategorie Mokoro.