Mupfurerivier
| Mupfurerivier | |
|---|---|
| Oorsprong | wes van Marondera, suid van Harare, noord van Mosasa (Zimbabwe) |
| Monding | Simbabwe Munyatirivier |
| Stroomgebied | Zimbabwe |
| Lengte | 224 km |
| Oorspronghoogte | 1 500 m |
| Mondinghoogte | 784 m |
| Stroomgebiedopp. | 12 000 km² |
 Kaart van die Mupfurerivier-bekken in Afrika.
| |
Die Mupfurerivier (ook bekend as die Umfulirivier) is 'n rivier in Zimbabwe.
Hierdie rivier het sy oorsprong op Zimbabwe se waterskeiding op die plato wes van Marondera, suid van Harare, noord van Mosasa, by 18° 22′ suid en 31° 6′ oos en op 'n 1 500 m bo seespieël.
Die Mupfure is 224 km lank en het 'n opvangsgebied van 12 000 km². Dit vloei noordweswaarts verby Beatrice, Zimbabwe oor die grens van die provinsies Masjonaland-Oos en Masjonaland-Wes, verby Chegutu, tot by die dorpie Copper Queen. Hier vloei die rivier saam met die Munyatirivier (uit die suidweste) en gaan saam verder onder die naam Sanyatirivier na die mond in die Hydro Bay in die Karibadam op die oosgrens van die Natusadone Nasionale Park.
Die grond in die streek is baie vrugbaar en leen hom tot gemengde boerdery, veral tabak.
Mupfure beteken “plek van die maroelaboom".
Bibliografie[wysig | wysig bron]
- Standard Encyclopaedia of Southern Africa, deel 11. Kaapstad: Nasou, 1975. ISBN 0-625-00327-6