Omnivoor

in Wikipedia, die vrye ensiklopedie
Spring na: navigasie, soek
Bere is omnivore.
Varke is ook omnivore.

'n Omnivoor (uit Latyn: omne wat die hele ding of alles – in die meervoudsvorm – beteken; en vorare wat om te sluk, of te verorber beteken) of alleseter, is 'n dier wat beide plantmateriaal en vleis vreet. Omnivore vertoon nie die gespesialiseerde gedrag van die karnivore of die herbivore nie; hulle soek wyd en syd na voedsel en is dus minder kwesbaar vir veranderinge in hul ekologiese sisteem. Die spysverteringstelsels van hierdie diere toon dieselfde veelsydigheid: hulle is in staat om plantkomponente soos herbivore te verteer, maar is terselftertyd geredelik in staat om proteïen en die ander voedselkomponente van vleis te verwerk en te absorbeer.[1]

Harsinggrootte korreleer met die kwaliteit (voedingswaarde en hoeveelheid kalorieë) van die kos wat ingeneem word. Omnivore het volgens dié definisie 'n hoë kwaliteit dieet. Oor die algemeen is die groep omnivore intelligent. Voorbeelde hiervan is die merkwaardige intelligensie wat vertoon word in die voedselvergaringsgedrag van die beer en die kraai. Die geskiedenis van menslike ontwikkeling toon dat die aanvulling van die dieet met vleis die ontwikkeling van aansienlik groter breine verwesentlik het. 'n Groter brein vereis die verbruik van groot hoeveelhede energie en voedingstowwe. [2]

(Daarteenoor bestaan egter 'n ander wetenskaplike argument wat, veral in die werk van die antropoloog Richard Wrangham en kollegas van die Harvard Universiteit, teoretiseer dat dit die inname en kook van wortelagtige groente was wat die ontwikkeling van groter breine tot gevolg gehad het, benewens die ontwikkeling van kleiner tande, die hedendaagse proporsies van die ledemate en selfs die band tussen man en vrou).[3]

Sien ook[wysig]

Vergelyk en kontrasteer[wysig]

Bronne[wysig]

  1. Oorsig van die spysverteringstelsel Besoekdatum 31 Maart 2006
  2. Intelligensie, die ewolusie van die menslike brein, en dieet Besoekdatum 31 Maart 2006
  3. Het gekookte wortels die ontwikkeling van groter breine aangespoor? Besoekdatum 21 Maart 2006
Hierdie artikel is in sy geheel of gedeeltelik vanuit die Engelse Wikipedia vertaal.