Groente

in Wikipedia, die vrye ensiklopedie
Spring na: navigasie, soek
Groente
'n Skinkbord met groente

Groente is 'n term wat algemeen gebruik word om na die eetbare dele van plante te verwys. Die definisie van groente is 'n tradisionele definisie, eerder as 'n wetenskaplike een en is dus ietwat subjektief en afhanklik van individuele diskresie. Alle kruidagtige plante wat geheel of gedeeltelik deur mense geëet word, word gewoonlik as groente beskou. Alhoewel sampioene aan die biologiese koninkryk fungi behoort, word hulle ook gewoonlik as groente beskou. Groente word oor die algemeen beskou as hartig, eerder as soet, alhoewel daar uitsonderings bestaan. Neute, graan, kruie, speserye en vrugte word oor die algemeen nie as groente beskou nie.

Die tamatie[wysig]

Die klassifisering van tamaties word al dekades lank betwis: die hooggeregshof van die Verenigde State het in 1883 (in die saak "Nix v. Hedden") verklaar dat tamaties 'n groente is. Botaniesgesproke bestaan daar egter nie 'n klassifisering soos "groente" nie en is 'n tamatie eintlik 'n vrug, aangesien dit die bessie van die tamatieplant is.