Pierre Cardin

Pierre Cardin
Gebore	2 Julie 1922 San Biagio di Callalta, Italië
Sterf	29 Desember 2020 (op 98)
Nasionaliteit	Frankryk
Beroep	Modeontwerper
Bekend vir	Klere en juweliersware
Handtekening

'n Pierre Cardin balpuntpen

Pierre Cardin (2 Julie 1922 – 29 Desember 2020) was ’n invloedryke Franse modeontwerper. Hy is veral bekend vir sy avant-garde-styl en die uniseks ruimte-eeuse klere wat hy in die 1960’s ontwerp het. Daarnaas het hy ook juweliersware ontwerp. Cardin het geometriese vorms en motiewe verkies, wat dikwels die vroulike vorm verontagsaam het. Sy eksperimentele klere was nie altyd prakties nie. Hy het sy modehuis in 1950 gestig en het die "borrelrok" in 1954 bekendgestel. In 1991 is hy as Unesco se welwillendheidsambassadeur aangewys.

Lewensloop

Een van Cardin se ontwerpe, 1968

Cardin is op 2 Julie 1922 in San Biagio di Callalta buite Venesië in Italië gebore. Sy Franse ouers, 'n wynprodusent en sy vrou, het in Italië gewoon, maar keer kort daarna na Frankryk terug. Hulle seun het al van skooldae af in die ontwerp van kostuums en argitektuur belanggestel.

In 1936, op 14-jarige ouderdom, was hy 'n leerling by 'n modesaak waar hy die basiese begrippe van modeontwerp en -bou aangeleer het. In 1939 verlaat hy sy huis om vir 'n kleremaker in Vichy te gaan werk. Tydens die oorlog het hy in die Rooi Kruis diens gedoen. Ná die bevryding van Frankryk het hy na Parys getrek.

In 1945 werk Cardin aan Madame Paquin se huis, wat hy later verlaat om saam het haar assistent, Marcelle Chaumont, te gaan werk.

Daarna werk hy saam met Giovanni Schiaparelli, gevolg deur Jean Cocteau en Christian Bernard. Uiteindelik werk hy 3 jaar saam met Christian Dior, van 1947 tot 1950.

In 1950 open Cardin sy eie winkel en in 1953 begin hy met haute couture (hoë mode), en open hy sy Maison de Couture in Rue Richepanse.

Eksterne skakels

• Amptelike webtuiste
• Wikimedia Commons het meer media in die kategorie Pierre Cardin.