Pip Freedman
Pip Freedman (14 Julie 1925 – 19 Mei 2003) was 'n Suid-Afrikaanse gebore radiokomediant en filmakteur en was veral bekend vir sy optredes op SAUK se Springbokradio program The Pip Freedman Show. Sy loopbaan, wat in die 1950's begin het, strek oor ses dekades tot 2002.
Agtergrond[wysig | wysig bron]
Hy is gebore Philip Maurice Freedman in Swellendam, Kaapprovinsie in 1925.[1] Hy was twee keer getroud. Hy het sy tweede vrou Pat in 1967 ontmoet en in 1973 getroud.[1] Hy het twee kinders uit sy eerste huwelik gehad Jeremy en Gayle Freedman en Jonathan en Samantha Freedman uit sy huwelik met Pat.[1] Hy is in die Life Kingsbury-hospitaal, Kaapstad dood aan 'n bloedklont in sy been.[2]
Beroep[wysig | wysig bron]
Hy het sy loopbaan by die Starlight-teater by Seepunt, Kaapstad, begin. Hy sou in die 1950's by die SAUK aansluit.[1] Hy is ingebring deur Cecile Whiteman en vervang Gabriel Bauman op die program, Snoektown Calling.[2] Hy sou van 1969 tot 1972 in die radioprogram Next Stop Makouvlei optree, 'n regstreekse program wat deur Pieter van der Byl vervaardig is en wat in 'n gelyknamige rolprent omskep is. Sy eie radioprogram was The Pip Freedman Show, wat vanaf Januarie 1968 tot 1985 op Springbokradio uitgesaai is todat die radiostasie vir die laaste keer gesluit het. In die vertoning sou hy die maniërisme, humor en stemme van die verskillende etniese rasse van die Wes-Kaap loslaat sonder om grof of oneerbiedig te wees.[2]
Filmografie[wysig | wysig bron]
- The Gods Must Be Crazy (1980)
- Die spook van Donkergat (1973)
- Next Stop Makouvlei (1972)
- Banana beach (1970)
Verwysings[wysig | wysig bron]
- ↑ 1,0 1,1 1,2 1,3 Naidu, Aldrin (20 Mei 2003). "Comedian Pip Freedman 'joked to the very end'". IOL. Besoek op 18 September 2017.
- ↑ 2,0 2,1 2,2 "Pip cracks jokes - right to the end". IOL. 21 Mei 2003. Besoek op 18 September 2017.
