The Gods Must Be Crazy
| The Gods Must Be Craz | |
|---|---|
| Regisseur | Jamie Uys |
| Produksieleier | Jamie Uys |
| Geskryf deur | Jamie Uys |
| Met | N!xau Marius Weyers Sandra Prinsloo |
| Musiek deur | John Boshoff |
| Kinematografie | Buster Reynolds Robert Lewis |
| Redigeerder | Stanford C. Allen Jamie Uys |
| Verspreider | Ster Kinekor (in Suid-Afrika) Jensen Farley Pictures 20th Century Fox |
| Vrystelling | 1980(in Suid-Afrika) |
| Speeltyd | 109 min |
| Land | Suid-Afrika Botswana |
| Taal | Engels Afrikaans Ungwatsi |
| Begroting | $5 miljoen |
| Bruto wins | $34,331,783 |
| Opgevolg deur | The Gods Must Be Crazy II |
| IMDb-profiel | |
The Gods Must Be Crazy is 'n hoofsaaklik Engelse rolprent wat in 1980 uitgereik is. Dit was die eerste in 'n reeks van films wat in Suid-Afrika en Botswana verfilm is en wêreldwyd opslae gemaak het. Die regisseur en skrywer was Jamie Uys.
Genre [wysig]
Die rolprent is 'n komedie en is goeie gesinsvermaak.
Hoofrolspelers [wysig]
- N!xau as homself.
- Marius Weyers as Andrew Steyn.
- Sandra Prinsloo as Kate.
- Nic de Jager as Jack Hind.
En andere.
Storielyn [wysig]
Die hoofkarakter, N!xau is 'n Kalahari-Boesman wat niks van die beskawing weet nie. 'n Raserige voël (vliegtuig) laat 'n besonder nuttig voorwerp (Coke-bottel) uit die lug val. Hulle is egter ongelukkig omdat die "gode" net een gestuur het. Dit ontketen emosies soos selfsug, haat, woede en jaloesie by hulle. N!xau probeer die voorwerp teruggee, maar kan op geen manier daarvan ontslae raak nie. Hy vertrek toe op 'n interessante reis na die einde van die wêreld om dit te gaan afgooi.
Ondertussen word die wildbewaarder, Andrew Steyn gevra om die verfynde nuwe onderwyseres, Kate met 'n ou Land Rover sonder remme te gaan oplaai. Hy is egter nie so gemaklik met die skoner geslag nie, en Kate is glad nie beïndruk as hy telkens uit die bewegende voertuig spring om die hekke oop en toe te maak nie.
'n Rebellegroep onder leiding van Sam Bocha voer daarna 'n mislukte staatsgreep uit. Hulle neem Kate en 'n klomp skoolkinders as gyselaars en probeer oor die grens te vlug.
Die boesman, N!xau word later gevang nadat hy honger geword en vir homself 'n bok geskiet het, en word onder Andrew se toesig geplaas.
Die rolprent bereik 'n hoogtepunt toe Xi sy jagvernuf inspan en vir Andrew help om die gyselaars te bevry.
