Swellendam
| Swellendam | |
.svg)  Swellendam
|
|
| Koördinate: | |
|---|---|
| Land |  Suid-Afrika |
| Provinsie | Wes-Kaap |
| Distriksmunisipaliteit | Overberg |
| Plaaslike Munisipaliteit | Swellendam |
| Tydsone | SAST (UTC+2) |
Swellendam is 'n dorp in die provinsie Wes-Kaap (Suid-Afrika) met 13 557 inwoners (2001). Die N2 nasionale pad gaan verby die dorp.
Inhoud |
[wysig] Geskiedenis
Die dorp is in 1747 gestig en is saam met Tulbagh die derde oudste nedersetting in Suid-Afrika. Die dorp is vernoem na die Kaapse goewerneur, Hendrik Swellengrebel, die eerste goewerneur wat in die Kaap gebore was, en sy vrou Helena Ten Damme, met wie hy in 1728 getroud is. Die dorp is op die walle van die Koringlandrivier gebou. Die eerste kerk is in 1802 gebou.
Die dorp is belangrik in die Suid-Afrikaanse geskiedenis omdat dit in 1795 kortstondig onafhanklikheid van die Kaapkolonie beleef as die Republiek van Swellendam. Hierdie Boererepubliek was onder Hermanus Steyn, die landdros en voorouer van president M.T Steyn gestig. Later het 'n Swellendamse kommando in die Slag van Muisenberg teen die Britte geveg as die eerste republikeinse militêre eenheid in die land.
[wysig] Merinobedryf
Die dorp word as die bakermat van Suid-Afrika se merinobedryf beskou. Die eerste twee ramme en vier ooie van die beroemde Escorial stoetery in Spanje het in 1789 in die Kaap aangekom en sommige van hulle afstammelinge is in 1803 na Swellendam gebring. Hier is hulle met sukses met die Kaapse vetstertskaap gekruis.[1]
[wysig] Ou Geboue
Baie sierlike geboue uit die ou dae het behoue gebly. Die Ou Drostdy-gebou is 'n pragtige voorbeeld van die destydse Kaaps-Hollandse argitektuur en dien vandag as 'n kultuurhistoriese museum. Die Nederduitse Gereformeerde kerk met sy vier argitekstyle is in 1910 op die perseel van die eerste kerk (1802) gebou. Die kerkie van St. Lukas dateer uit 1865
[wysig] Omgewing
Die dorp is naby die Breederivier en die Langebergreeks geleë. Die Nasionale Bontebokpark by Swellendam is in 1931 gestig. Die bontebok is die tradisionele dierembleem van die Kaapprovinsie.
[wysig] Persone gebore
Francis William Reitz, Staatspresident van die Oranje-Vrystaat, is in Swellendam gebore.
[wysig] Sien ook
[wysig] Verwysings
|
Provinsie Wes-Kaap |
|---|---|
| Hoofstad: | |
| Streke: |
Kaapse Skiereiland | Kaapse Wynlande | Tuinroete | Klein Karoo | Overberg | Weskus |
| Grootste stede en dorpe: |
Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester |
| Munisipaliteite: |
Beaufort-Wes | Bergrivier | Breederivier | Breederivier/Wynlande | Breedevallei | Kaap Agulhas | Cederberg | Sentraal Karoo | Kaapstad | Drakenstein | George | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Plettenbergbaai | Prins Albert | Saldanhabaai | Suid-Kaap | Stellenbosch | Swartland | Swellendam | Theewaterskloof | Weskus | Witzenberg |
