Rathefboom

in Wikipedia, die vrye ensiklopedie
Spring na: navigasie, soek
Skuifpatroon van 'n vyfspoed-rathefboom.

'n Rathefboom is die meganisme in 'n voertuig met 'n handratkas wat gebruik word om die ratverwisseling te doen. Die rathefboom bepaal hoeveel krag van die enjin na die aandryfwiele oorgedra word (sien ratverhouding).

Die voertuig sal tipies in eerste rat geplaas word voor dit weggetrek word. Soos die voertuig versnel sal die rathefboom in opeenvolgend hoër posisies geplaas word. Die rathefboom kan ook in neutraal (enjin nie aan wiele gekoppel nie) of trurat (om agteruit te ry) geplaas word.

'n Vyfspoed-rathefboom.

Motorvoertuie het gewoonlik 'n vier- of vyfspoed-ratkas. Die rathefboom kan gevolglik in dieselfde aantal posisies geplaas word om kraglewering te beheer. Die koppelaar moet ingetrap word alvorens die ratte gewissel word en daarna weer gelos word.

Sommige voertuie het outomatiese ratkasse, wat nie 'n rathefboom het nie.