Roofarend
| Roofarend | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Bewaringstatus | ||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Aquila rapax (Temminck, 1828) |
||||||||||||||
| Sinonieme | ||||||||||||||
|
|
Die roofarend (Aquila rapax) is 'n groot roofvoël wat, nes alle ander arende, tot die familie Accipitridae behoort. Dit was in die verlede gedag dat die voël nou verwant was aan die Steppe-arend, Aquila nipalensis, en die twee was voorheen as dieselfde spesie beskou. Daar is egter later 'n skeiding gemaak gebaseer op duidelike verskille in die twee arende se morfologie en anatomie (Clark, 1992; Olson, 1994; Sangster et al., 2002).
Inhoud |
Identifikasie [wysig]
'n Roofarend is ongeveer 62–72 cm in lengte en het 'n vlerkspan van 165–185 cm. Dit is 'n groot arend met 'n geelbruin bolyf en donkerbruin tot amper swart vere op sy vlerke en stert. Die laer-rug is bleek in vergelyking met die res van die voël. Onvolwasse voëls het nie dieselfde kontras in kleur as die volwassenes nie.
Habitat [wysig]
Roofarende verkies 'n droë habitat, soos woestyne of savannas, waar hulle hul neste meestal in bome bou, maar ook op steil rotse of op die grond as dit moet.
Verspreiding [wysig]
Die voël kom voor in die meeste van Afrika, beide Noord en Suid van die Sahara-woestyn en ook in die tropiese gebiede van Suidwes-Asië tot en met Indië.
Voortplanting [wysig]
Die wyfie lê 1 tot 3 eiers in nes wat uit stokkies gebou is.
Dieet [wysig]
Die roofarend se dieet bestaan hoofsaaklik uit enige soort vars aas. Die roofvoël sal ook klein soogdiere vang (niks groter as 'n haas nie), of klein reptiele of voëls (niks groter as 'n tarentaal nie). Die voëls steel ook graag ander roofvoëls se kos.
Geluid [wysig]
Alhoewel die roofarend oor die algemeen 'n stil voël is, is hy wel in staat tot 'n kraai-agtige geblaf.
Ander name [wysig]
- Engels: Tawny Eagle
- Wetenskaplike naam: Aquila rapax
Sien ook [wysig]
- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronnelys [wysig]
- IUCN Red List of Threatened Species, inskrywing vir Aquila rapax.
- Clark, W. S. (1992): The taxonomy of Steppe and Tawny Eagles, with criteria for separation of museum specimens and live eagles. Bulletin of the British Ornithologists' Club 112: 150–157.
- Olson, Storrs L. (1994): Cranial osteology of Tawny and Steppe Eagles Aquila rapax and A. nipalensis. Bulletin of the British Ornithologists' Club 114: 264–267.
- Sangster, George; Knox, Alan G.; Helbig, Andreas J. & Parkin, David T. (2002): Taxonomic recommendations for European birds. Ibis 144(1): 153–159. Hier verkrygbaar in PDF-formaat
