Rooiwit Ahlen

in Wikipedia, die vrye ensiklopedie
Spring na: navigasie, soek
Rooiwit Ahlen
Rot-Weiss Ahlen.png
Volledige naam Rot-Weiß Ahlen e.V.
Opgerig 1 Julie 1996
Stadion Wersestadion, Ahlen
Kapasiteit 11 000
Voorsitter
Afrigter
Kompetisie Regionalliga Noord

Rooiwit Ahlen is ‘n Duitse sokkerklub uit Ahlen in Noord-Rynland-Wesfale.

Geskiedenis[wysig]

In 1917 is die Freie Sportclub Union (FSCU) Ahlen gestig, maar die klub word deur die regime van die Derde Ryk in 1933 ontbind omdat driekwart van die spelers buitelanders was. TuS Germania Ahlen word in sy plek opgerig, wat later saamsmelt met Wacker Ahlen. Nadat die Geallieerdes die klub na die Tweede Wêreldoorlog ontbind het, word TuS Ahlen in 1948 in die lewe geroep.

Teen 1992 het die klub erge finansiële probleme ontwikkel nadat die klub in die 1991-seisoen so laag as die Kreisliga (agste vlak) moes meeding. Die klub word egter gered toe Helmut Spikker, ‘n sakeman met ‘n sakeryk in die kosmetikabedryf, wat in sy jeug ‘n lid van die klub was, die hoofborg word en as klubpresident verkies word.

Met die nuwe finansiële spierkrag het Ahlen sterk herstel en teen 1996 promoveer die klub na die Regionalliga Wes/Suidwes. In dieselfde jaar smelt die klub met Blau-Weiß Ahlen saam en word herdoop na LR Ahlen (Leichtathletik Rasensport Ahlen e.V.). LR is ook die naam van die besigheid van Helmut Spikker. In 2000 eindig die klub 2de in die Regionalliga en speel ‘n eindronde-uitspeelwedstryd teen 1. FC Union Berlyn uit die 2. Bundesliga. Ahlen seevier met 2-1 en promoveer. Nadat die klub in die 2005/06-seisoen weer gerelegeer is, is die verhouding met Helmut Spikker beëindig. Die naam van die klub is na Rooiwit Ahlen verander en die klub speel in die 2006/07-seisoen in die Regionalliga Noord.

Die klub speel in die Wersestadion, wat in 1999 opgerig is om aan die hoër ligas se lisensiestandaarde te voldoen. Ahlen se tuisveld was vroeër die Glückaufkampfbahn in Ahlen.

Onlangse ligaposisionering[wysig]

  • 1966-67 (III) Verbandsliga Wesfale-NO 5de
  • 1967-68 (III) Verbandsliga Wesfale-NO 8ste
  • 1968-69 (III) Verbandsliga Wesfale-NO 12de
  • 1969-70 (III) Verbandsliga Wesfale-NO 10de
  • 1970-71 (III) Verbandsliga Wesfale-NO 7de
  • 1971-72 (III) Verbandsliga Wesfale-NO 11de
  • 1972-73 (III) Verbandsliga Wesfale-NO 12de
  • 1973-74 (IV) Verbandsliga Wesfale-NO 3de
  • 1974-75 (IV) Verbandsliga Wesfale-NO 9de
  • 1975-76 (IV) Verbandsliga Wesfale-NO 8ste
  • 1976-77 (IV) Verbandsliga Wesfale-NO 2de
  • 1977-78 (IV) Verbandsliga Wesfale-NO 16de
  • 1978-79 (IV) Verbandsliga Wesfale-NO 14de
  • 1991-92 (VIII) Kreisliga 1ste
  • 1992-93 (VII) Bezirksliga Wesfale 1ste
  • 1993-94 (VI) Landesliga Wesfale 1ste
  • 1994-95 (V) Verbandsliga Wesfale-NO 1ste
  • 1996-97 (III) Regionalliga West/SW 4de
  • 1997-98 (III) Regionalliga West/SW 6de
  • 1998-99 (III) Regionalliga West/SW 6de
  • 1999-00 (III) Regionalliga West/SW 2de
  • 2000-01 (II) 2.Bundesliga 6de
  • 2001-02 (II) 2.Bundesliga 8ste
  • 2002-03 (II) 2.Bundesliga 12de
  • 2003-04 (II) 2.Bundesliga 12de
  • 2004-05 (II) 2.Bundesliga 13de
  • 2006-07 (III) Regionalliga Noord

Eksterne skakels[wysig]


3. Liga 2010/11-seisoen

Rooiwit Ahlen - SV Babelsberg 03 - 1. FC Heidenheim 1846 - FC Hansa Rostock - Kickers Offenbach - FC Rooiwit Erfurt - SpVgg Unterhaching - FC Bayern München II - SV Sandhausen - VfB Stuttgart II -
Eintracht Brunswyk - TuS Koblenz - Dynamo Dresden - SV Wacker Burghausen - SV Wehen - VfR Aalen - SSV Jahn Regensburg - FC Carl Zeiss Jena - SV Werder Bremen II - 1. FC Saarbrücken