Dynamo Dresden

in Wikipedia, die vrye ensiklopedie
Dynamo Dresden

Volledige naam Sportgemeinschaft Dynamo
Dresden e.V.
Stigtingsdatum 1953
Tuisveld Glücksgas-Stadion,
Dresden
Kapasiteit 32 296
Kompetisie Bundesliga 3
Lugfoto van die Rudolf-Harbig Stadion, Dresden

SG Dynamo Dresden is ’n Duitse sokkerklub uit die stad Dresden.

Geskiedenis[wysig | wysig bron]

In 1950 het die Sowjet-owerhede Dresden se gewildste klub, SG Friedrichstadt, ontbind vir ideologiese redes. Na die nasionale eindstryd teen ZSG Horch Zwickau in ’n wedstryd wat deur die regering gemanipuleer is, is die klub opgebreek en die spelers uitgeplaas na ander stede. Heelwat het na die Weste gevlug. Wat oorgebly het van die oorspronklike klub is by die werkersklub VVB Tabak Dresden ingelyf.

Intussen is ’n ideologies “veilige” klub, BSG Deutsche Volkspolizei Dresden, opgerig in Oktober 1948 en bevorder as ’n plaasvervanger vir SG Friedrichstadt. In Julie 1950 is sewentien spelers van ander polisieklubs na Dresden oorgeplaas om die klub meer kompeterend te maak. Die nuwe klub was vinnig suksesvol en in die afwesigheid van SG Friedrichstadt het die klub begin ondersteuners wen, veral toe ’n nuwe stadion vir die klub gebou is. In 1952 het die klub die FDGB Pokal (DDR-beker) gewen en ook vir die eerste keer spelers vir die nasionale span gelewer. Die klub het sy naam op 12 April 1953 verander na SG Dynamo Dresden en sy kleure verander van groen en wit na rooi en wit.

Erich Mielke, hoof van die Oos-Duitse geheime polisie, beter bekend as die Stasi, was ongelukkig dat Dresden verskeie spanne in die nasionale liga gehad het terwyl Berlyn nie een gehad het nie. In 1954 is Dynamo Dresden sak en pak oorgeplaas na Berlyn en heropgerig as Berliner FC Dynamo. Wat oorgebly het van die span (reserwes en jonger spelers) was op die ou end ’n tweedeligaspan wat na die volgende seisoen na die derde vlak gerelegeer is. Die klub was egter terug in die DDR Oberliga (eerste vlak) in 1962.

In 1966 is Dresden aangewys as een van 11 Oos-Duitse “fokus”-klubs waarheen van die land se beste talent oorgeplaas is om spelers vir die nasionale span te ontwikkel. Teen 1970 was die klub een van die sterkstes in die DDR Oberliga en het onder die afrigter Walter Fritzsch die liga vyf keer gewen (en twee keer die Oos-Duitse beker) in die ag jaar tussen 1971 en 1978 . Dresden was ook teen hierdie tyd loshande die gewildste klub in die land wat die grootste skares getrek het.

Inmenging deur die Stasi[wysig | wysig bron]

Hierdie toedrag van sake het nie Mielke en die Stasi aangestaan nie en vir die volgende tien jaar het hulle ingemeng in Oos-Duitse sokker: skeidsregters is aangesê om Mielke se gunstelingspan, Berliner FC Dynamo, te bevoordeel en die beste spelers is eenvoudig na die span toe oorgeplaas uit alle dele van die land. Berliner FC Dynamo wen gevolglik 10 titels agtereenvolgens tussen 1979 en 1988. Dynamo Dresden het ses keer gedurende hierdie tydperk tweede geëindig. Nadat die Stasi se houvas op die nasionale sokkerkompetisies beëindig is, het Dynamo Dresden die Oos-Duitse kampioen geword 1989 en 1990 en die uitklopbeker gewen in 1990.

Duitse eenwording[wysig | wysig bron]

Na die eenwording van Duitsland het die span direk tot die Bundesliga toegetree en 4 jaar daar gebly voor relegasie. Na die 4de seisoen het die span laaste geëindig, maar kon weens finansiële probleme nie ’n lisensie vir die 2. Bundesliga bekom nie. Die klub is dus direk na die Regionalliga gerelegeer.

Erelys[wysig | wysig bron]

Onlangse ligaposisionering[wysig | wysig bron]

  • 1965-66 (I) DDR-Oberliga 5de
  • 1966-67 (I) DDR-Oberliga 4de
  • 1967-68 (I) DDR-Oberliga 13de
  • 1968-69 (II) DDR-Liga, St. Suid 1ste
  • 1969-70 (I) DDR-Oberliga 3de
  • 1970-71 (I) DDR-Oberliga 1ste
  • 1971-72 (I) DDR-Oberliga 3de
  • 1972-73 (I) DDR-Oberliga 1ste
  • 1973-74 (I) DDR-Oberliga 3de
  • 1974-75 (I) DDR-Oberliga 3de
  • 1975-76 (I) DDR-Oberliga 1ste
  • 1976-77 (I) DDR-Oberliga 1ste
  • 1977-78 (I) DDR-Oberliga 1ste
  • 1978-79 (I) DDR-Oberliga 2de
  • 1979-80 (I) DDR-Oberliga 2de
  • 1980-81 (I) DDR-Oberliga 4de
  • 1981-82 (I) DDR-Oberliga 2de
  • 1982-83 (I) DDR-Oberliga 7de
  • 1983-84 (I) DDR-Oberliga 2de
  • 1984-85 (I) DDR-Oberliga 2de
  • 1985-86 (I) DDR-Oberliga 6de
  • 1986-87 (I) DDR-Oberliga 2de
  • 1987-88 (I) DDR-Oberliga 3de
  • 1988-89 (I) DDR-Oberliga 1ste
  • 1989-90 (I) DDR-Oberliga 1ste
  • 1990-91 (I) NOFV-Oberliga Noordoos 2de
  • 1991-92 (I) Bundesliga 14de
  • 1992-93 (I) Bundesliga 15de
  • 1993-94 (I) Bundesliga 13de
  • 1994-95 (I) Bundesliga 18de : - lisensie geweier
  • 1995-96 (III) Regionalliga Noordoos 4de
  • 1996-97 (III) Regionalliga Noordoos 7de
  • 1997-98 (III) Regionalliga Noordoos 2de
  • 1998-99 (III) Regionalliga Noordoos 11de
  • 1999-00 (III) Regionalliga Noordoos 8ste
  • 2000-01 (IV) Oberliga Noordoos, Suid 5de
  • 2001-02 (IV) Oberliga Noordoos, Suid 1ste
  • 2002-03 (III) Regionalliga Noord 7de
  • 2003-04 (III) Regionalliga Noord 2de
  • 2004-05 (II) 2. Bundesliga 8ste
  • 2005-06 (II) 2. Bundesliga 15de
  • 2006-07 (III) Regionalliga Noord 7de
  • 2007-08 (III) Regionalliga Noord 8ste
  • 2008-09 (III) 3. Liga 9de
  • 2009-10 (III) 3. Liga

Eksterne skakels[wysig | wysig bron]

3. Liga 2010/11-seisoen

Rooiwit Ahlen - SV Babelsberg 03 - 1. FC Heidenheim 1846 - FC Hansa Rostock - Kickers Offenbach - FC Rooiwit Erfurt - SpVgg Unterhaching - FC Bayern München II - SV Sandhausen - VfB Stuttgart II -
Eintracht Brunswyk - TuS Koblenz - Dynamo Dresden - SV Wacker Burghausen - SV Wehen - VfR Aalen - SSV Jahn Regensburg - FC Carl Zeiss Jena - SV Werder Bremen II - 1. FC Saarbrücken