FC Bayern München

in Wikipedia, die vrye ensiklopedie
Spring na: navigasie, soek
FC Bayern München
Beiere.png
Volle naam Fußball-Club
Bayern München e.V.
Bynaam/me Die Bayern
Die Roten
FC Hollywood
Stigting 27 Februarie 1900
Tuisveld Allianz-Arena,
München
Kapasiteit 69 901
Voorsitter Uli Hoeneß
Bestuurder Jupp Heynckes
Liga Bundesliga
2011/12 2. posisie
Spankleure Spankleure Spankleure
Spankleure
Spankleure
 
Tuiskleure
Spankleure Spankleure Spankleure
Spankleure
Spankleure
 
Wegkleure
Die Allianz Arena

FC Bayern München is ‘n sportklub uit München, die hoofstad van die deelstaat Beiere in Duitsland, veral bekend vir sy sokkerafdeling. Benewens sokker, het die klub ook onder meer afdelings vir basketbal, handbal, kegelbal, skaak, tafeltennis en gimnastiek. Bayern München is die bekendste en mees suksesvolle klub van Duitsland en is een van vier klubs wat al alle groot Europese kompetisies gewen het.

Die klub is op 27 Februarie 1900 gestig deur ontevrede sokkerspelers van die klub MTV 1879 München (hierdie klub se sokkerafdeling bestaan vandag nog met sy eerstespan wat in die Kreisliga op die 9de vlak van die Duitse sokkerstruktuur meeding). In 1906 het die klub vir finansiële redes na 'n samesmelting die sokkerafdeling van Münchner Sport Club geword. As deel van die ooreenkoms moes hulle swart opgee en MSC se rooi klubkleure aanvaar - die kleur wat vandag nog deur Bayern gebruik word. Na die Eerste Wêreldoorlog het die klub in 1919 weggebreek vanaf Münchner Sport Club en by Turn- und Sportverein 1890 Jahn München aangesluit. MSC het sedertdien nie meer 'n sokkerafdeling nie en bestaan vandag steeds as 'n hokkie-, gholf- en tennisklub.

In 1923 het Bayern ook Turn- und Sportverein 1890 Jahn München (vandag, na 'n samsmelting in 1947, as Turnerschaft Jahn München von 1887 bekend) verlaat om die huidige onafhanklike klub te vorm.

Die klub se president, Kurt Landauer, 'n puik strateeg, het die afrigter William Townley as die span se eerste professionele afrigter aangestel (dieselfde afrigter wat die titel met Karlsruher FV in 1910 gewen het). Bayern het vinnig opgang gemaak en sy eerste groot sukses in 1932 behaal met die verowering van die Duitse kampioenskap. Die ontwikkeling van die klub het hierna 'n groot terugslag beleef met die oorname van die Duitse regering deur Adolf Hitler: beide die voorsitter en afrigter was Jode en hulle het kort daarna die land verlaat. Die klub het hierna in die Gauliga Beiere meegeding, maar gemiddelde resultate behaal. Toevallig was die laaste opgetekende wedstryd in die Derde Ryk die wedstryd tussen Bayern en TSV 1860 München op 23 April 1945 (3-2 vir Bayern). Na die Tweede Wêreldoorlog het die klub in die Oberliga Suid meegeding en as gevolg van beroerde finansies meestal gemiddelde resultate behaal. In 1956 is die klub selfs gerelegeer. Die klub het wel in 1957 daarin geslaag om die DFB-Pokal te wen. Die Bundesliga is die eerste keer in 1965 gehaal.

Opvallend is dat die fenominale opkoms van die klub hierna, tot op daardie stadium as minder belangrik as sy stadgenoot TSV 1860 München beskou, gelyk opleef met die opkoms van Franz Beckenbauer.

Die klub se tuisveld was tot die somer van 2005 die Olimpiese stadion in München, maar is verruil vir die Allianz Arena met 66 000 sitplekke. Voor 1971 was die Grünwalder Straße-stadion die tuisveld.

Erelys[wysig]

Duitse sokkerkampioen (21)

1931/32, 1968/69, 1971/72, 1972/73, 1973/74, 1979/80, 1980/81, 1984/85, 1985/86, 1986/87, 1988/89, 1989/90, 1993/94, 1996/97, 1998/99, 1999/2000, 2000/01, 2002/03, 2004/05, 2005/06, 2007/08

DFB-Pokal (14)

1957, 1966, 1967, 1969, 1971, 1982, 1984, 1986, 1998, 2000, 2003, 2005, 2006, 2008

Europese beker I / UEFA Kampioeneliga (4)

1974, 1975, 1976, 2001

Europese beker II (1)

1967

UEFA-beker (1)

1996

Interkontinentale beker (1)

1976, 2001

Onlangse ligaposisionering[wysig]

  • 1963-64 (II) Regionalliga-Suid 2de
  • 1964-65 (II) Regionalliga-Suid 1ste
  • 1965-66 (I) Bundesliga 3de
  • 1966-67 (I) Bundesliga 6de
  • 1967-68 (I) Bundesliga 5de
  • 1968-69 (I) Bundesliga 1ste
- Duitse kampioen
  • 1969-70 (I) Bundesliga 2de
  • 1970-71 (I) Bundesliga 2de
  • 1971-72 (I) Bundesliga 1ste
- Duitse kampioen
  • 1972-73 (I) Bundesliga 1ste
- Duitse kampioen
  • 1973-74 (I) Bundesliga 1ste
- Duitse kampioen
  • 1974-75 (I) Bundesliga 10de
  • 1975-76 (I) Bundesliga 3de
  • 1976-77 (I) Bundesliga 7de
  • 1977-78 (I) Bundesliga 12de
  • 1978-79 (I) Bundesliga 4de
  • 1979-80 (I) Bundesliga 1ste
- Duitse kampioen
  • 1980-81 (I) Bundesliga 1ste
- Duitse kampioen
  • 1981-82 (I) Bundesliga 3de
  • 1982-83 (I) Bundesliga 4de
  • 1983-84 (I) Bundesliga 4de
  • 1984-85 (I) Bundesliga 1ste
- Duitse kampioen
  • 1985-86 (I) Bundesliga 1ste
- Duitse kampioen
  • 1986-87 (I) Bundesliga 1ste
- Duitse kampioen
  • 1987-88 (I) Bundesliga 2de
  • 1988-89 (I) Bundesliga 1ste
- Duitse kampioen
  • 1989-90 (I) Bundesliga 1ste
- Duitse kampioen
  • 1990-91 (I) Bundesliga 2de
  • 1991-92 (I) Bundesliga 10de
  • 1992-93 (I) Bundesliga 2de
  • 1993-94 (I) Bundesliga 1ste
- Duitse kampioen
  • 1994-95 (I) Bundesliga 6de
  • 1995-96 (I) Bundesliga 2de
  • 1996-97 (I) Bundesliga 1ste
- Duitse kampioen
  • 1997-98 (I) Bundesliga 2de
- Wenner DFB-beker
  • 1998-99 (I) Bundesliga 1ste
- Duitse kampioen
  • 1999-00 (I) Bundesliga 1ste
- Duitse kampioen
- DFB-beker
  • 2000-01 (I) Bundesliga 1ste
- Duitse kampioen
  • 2001-02 (I) Bundesliga 3de
  • 2002-03 (I) Bundesliga 1ste
- Duitse kampioen
  • 2003-04 (I) Bundesliga 2de
  • 2004-05 (I) Bundesliga 1ste
- Duitse kampioen
  • 2005-06 (I) Bundesliga 1ste
- Duitse kampioen
  • 2006-07 (I) Bundesliga 4de
  • 2007-08 (I) Bundesliga 1ste
- Duitse kampioen
  • 2008-09 (I) Bundesliga

Eksterne skakels[wysig]


Bundesliga 2010/11-seisoen

TSG 1899 Hoffenheim - SC Freiburg - Bayer 04 Leverkusen - FC Beiere München - 1. FC Kaiserslautern - BV Borussia Dortmund - 1. FC Neurenberg - Eintracht Frankfurt - FSV Mainz 05 - Hannover 96 - FC St. Pauli - Hamburger SV - VfL Borussia Mönchengladbach - 1. FC Keulen - FC Schalke 04 - VfB Stuttgart - SV Werder Bremen - VfL Wolfsburg