Sun Microsystems
Sun Microsystems is 'n rekenaarmaatskappy wat wêreldwyd sake doen. Hulle hoofkantoor in Palo Alto, California, USA geleë. In 2007 het Sun 33 900 werknemers gehad wat oor 170 lande werksaam was. Tans is hulle een van die grootste rekenaarmaatskappye in die wêreld. Op 20 April 2009 het Sun Microsystems aangekondig dat hulle ingestem het dat Oracle hulle kan koop. Die transaksie is reeds deur Sun se direksie goedgekeur, maar verskeie ander partye moet die transaksie nog goedkeur.
Sun Microsystems het ook kantore in Suid-Afrika vanwaar ondersteuning gebied word en opleiding verskaf word om mense in staat te stel om die maatskappy se produkte te gebruik.
Inhoud |
Geskiedenis [wysig]
Op 12 Februarie 1982 stig Vinod Khosla, Andy Bechtolsheim en Scott McNealy die Sun Microsystems maatskappy. Die maatskappy se naam is afgelei van Stanford University Network, waar die stigterslede gestudeer het. Die maatskappy se leuse is "die netwerk is die rekenaar". Vanaf die begin af het hulle ten doel gehad om rekenaars in netwerke met mekaar te laat saamwerk.
Hardeware [wysig]
Sun vervaardig die SPARC-rekenaarverwerker en ook stelsels wat die verwerkers gebruik. Naas SPARC gebruik hulle ook verwerkers van AMD en Intel.
Sagteware [wysig]
Sun se bedryfstelsel is Solaris. Die bedryfstelsel se bronkode word onder die naam OpenSolaris beskikbaar gestel.
Die maatskappy is ook bekend vir hulle platform onafhanklike Java ontwikkelingstaal.
Sun besit ook 'n kantoorpakket genaamd StarOffice (en die gratis variant OpenOffice.org). Onlangs het Sun ook die oopbron MySQL-databasisbestuurstelsel oorgekoop.
Lêersisteme [wysig]
Sun het die Network File System (NFS), wat op meeste Unix en Linux stelsels beskikbaar is, ontwerp. Meer onlangs het hulle ook die Zettabyte File System (ZFS) vrygestel.
