Samuel de Champlain

in Wikipedia, die vrye ensiklopedie
Spring na: navigasie, soek
Samuel de Champlain
’n Beeld van die betrokke persoonlikheid.
Geboortenaam Samuel Champlain
Gebore gedoop op 13 Augustus 1574
Brouage of La Rochelle, Aunis, Frankryk
Oorlede 25 Desember 1635
Quebecstad, Quebec, Nieu-Frankryk (tans Kanada)
Nasionaliteit Frankryk
Beroep navigator, kartograaf, soldaat, ontdekkingsreisiger, administrateur en kanselier van Nieu-Frankryk
Bekend vir verkenning van Nieu-Frankryk, stigting van Quebecstad, "Vader van Nieu-Frankryk" genoem
Religie Rooms-Katolieke Kerk of Protestantisme
Samuel de Champlain (signature).svg

Samuel de Champlain (gedoop op 13 Augustus 1574 in Brouage of La Rochelle, Aunis, Frankryk; † 25 Desember 1635 in Quebecstad, Kanada) was 'n Franse ontdekker, navorser, koloniale pionier en van 1633 tot 1635 die eerste goewerneur van Kanada. Hy word ook die "Vader van Nieu-Frankryk" genoem.

De Champlain stig in 1608 Quebecstad, die huidige hoofstad van die Provinsie Quebec. Tydens sy ekspedisies in die binneland van Kanada doen hy navorsing oor die Saint-Laurentrivier en ontdek in 1615 die Huronmeer. Hy lewer 'n waardevolle bydrae tot die vroeë kartografie van Kanada en beskryf in sy etnologiese geskrifte die gebruike en sedes van die Eerste Nasies. 'n Aantal stamme van die Eerste Nasies word sy bondgenote in die stryd teen die Britse koloniale troepe in Noord-Amerika.