Santiago Calatrava

in Wikipedia, die vrye ensiklopedie
Spring na: navigasie, soek

Santiago Calatrava Valls (Gebore: 28 Julie 1951, Valencia, Spanje) is 'n internasionaal erkende en bekroonde Spaanse argitek en ingenieur met sy praktyk se hoofkantoor in Zürich, Switserland.

Puente del Alamillo, Sevilla, Spanje, (1992) snags
Bac de Roda, Barcelona

Calatrava is gebore in Valencia, Spanje waar hy voorgraads by die Argitektuur Skool en Kunsskool studeer het. Na graduasie in 1975 het hy by die Switserse Federale Instituut van Tegnologie (ETH) in Zürich vir nagraadse studie in siviele ingenieurswese ingeskryf het. In 1981, nadat hy sy doktorale tesis , "On the Foldability of Space Frames" voltooi het, het hy sy argitektuur- en ingenieurspraktyk begin het. Hy word tans as een van die voorste ontwerpers ter wêreld beskou en het kantore in Zürich, Parys, New York Stad en elders.

Calatrava se loopbaan was aanvanklik grootliks toegewy aan brûe en spoorwegstasies waarmee hy die status van siviele ingenieurswese projekte tot nuwe hoogtes gevoer het. Sy elegante en waagmoedige Montjuic Kommunikasietoring in Barcelona, Spanje (1991) in die hartjie van die 1992 Olimpiese terrein was 'n keerpunt in sy loopbaan wat na 'n wye verskeidenheid opdragte gelei het. Die Quadracci Paviljoen (2001) van die Milwaukee Kunsmuseum was sy eerste groot gebou in die VSA. Calatrava se toetrede tot toringgebouontwerp het 'n aanvang geneem met die innoverende 54 verdieping draaiende toringgebou, die Turning Torso (2005), in Malmö, Swede. Calatrava ontwerp tans die toekomstige stasie, die World Trade Center Transportation Hub op die terrein waar die Wêreldhandelssentrum te vore gestaan het in New York Stad.

Calatrava se ontwerpstyl gesien wat 'n nuwe sintese tussen die tradisionele afsonderlike dissiplines van struktuur ingenieurswese en argitektuur in lui. In die opsig sit hy die tradisie van die Spaanse modernistiese ingenieurswese wat Félix Candela en Antonio Gaudí ingesluit het. Sy styl is nietemin baie persoonlik en word afgelei van die talle studies wat hy van die menslike liggaam en die natuurlike wêreld onderneem.

Calatrava as beeldhouer[wysig]

Calatrava is ook 'n produktiewe beeldhouer en skilder. Hy beweer dat die argitektuur al die kunsvorms kombineer. In 2005 het die Metropolitan Museum of Art in New York Stad 'n uitsalling van sy kuns genaamd "Santiago Calatrava: Sculpture Into Architecture" gehou. Uitstallings van sy werk het ook al in Duitsland, Engeland, Spanje, Italie en op ander plekke plaasgevind.