Sjerrie

in Wikipedia, die vrye ensiklopedie
Spring na: navigasie, soek
'n Glas Amontillado-sjerrie met olywe.

Sjerrie is 'n gefortifiseerde wyn gemaak van wit druiwe wat verbou word naby die dorp van Jerez de la Frontera in Andalusië, Spanje. Sjerrie word in 'n verskeidenheid van droë style gemaak, hoofsaaklik van Palomino druiwe. Dit wissel van ligte wyn soortgelyk aan wit tafelwyne, soos Manzanilla en Fino, tot donkerder en swaarder weergawes wat toegelaat is om te oksideer en te verouder in houtvate, soos Amontillado en Oloroso. Soet desertwyn word ook gemaak van muskadeldruiwe en word soms gemeng met Palomino-gebaseerde sjerries.

Binne in 'n ou wynmakery van Jerez, waar die verspreiding van die vate op verskillende hoogtes en gegroepeer in rye gesien kan word as 'n ouer stelsel.

Nadat die fermentasie verloop het, word basiswyne versterk met druiwespiritus ten einde hul finale alkoholinhoud te verhoog.[1] Wyn wat geskik is vir veroudering as Fino en Manzanilla word versterk tot 'n alkoholinhoud van 15,5 persent per volume. Soos hulle verouder in die vat, ontwikkel dit 'n laag van gis-agtige groei ("flor") wat die wyn beskerm teen oormatige oksidasie. Die wyne wat geklassifiseer word om veroudering te ondergaan as Oloroso, word versterk om 'n alkoholinhoud van ten minste 17 persent te bereik. Hulle flor ontwikkel nie en oksideer net effens soos hulle ouer word, dan kry hul 'n donkerder kleur. Omdat die versterking plaasvind na fermentasie, is meeste sjerries aanvanklik droog, met versoeting wat later bygevoeg word. In teenstelling hiermee word portwyn gefortifiseer halfpad deur die fermentasieproses, wat die proses tot stilstand dwing, so word nie al die suiker na alkohol omgeskakel nie.

Die "Sherry" handelsmerk[wysig]

Spaanse wynprodusente het die name Jerez/Xérès/Sherry as handelsmerk geregistreer en sal produsente van soortgelyke versterkte wyne van ander lande vervolg indien hulle dieselfde naam gebruik. In 1933 is artikel 34 van die Spaanse Estatuto del Vino (wynwette) uitgereik om die grense van sjerrieproduksie uitsluitlik binne Spanje te plaas. Vandag word sjerrie se amptelike status verder erken deur wyer EU-wetgewing. Sjerrie moet uit die driehoekgebied van die provinsie van Cádiz tussen Jerez de la Frontera, Sanlucar de Barrameda, en El Puerto de Santa María kom. Des nieteenstaande word die naam "Sherry" gebruik as 'n semi-generiese benaming in die Verenigde State van Amerika, waar dit gemerk moet word met 'n streek van oorsprong soos die Amerikaanse sjerrie of Kaliforniese sjerrie. Sulke wyne kan egter nie uitgevoer word na die EU nie. Australiese wynmakers gebruik nou die term Apera in plaas van sjerrie, terwyl die Australiese verbruikers steeds die term sjerrie gebruik.

Eksterne skakels[wysig]

Verwysings[wysig]