Slag van Actium

in Wikipedia, die vrye ensiklopedie
Slag van Actium
Deel van die Romeinse Burgeroorlog
Datum 2 September 31 v.C.
Ligging Actium, Griekeland
Resultaat Oorwinning deur Octavianus
Bevelvoerders
Marcus Vipsanius Agrippa Marcus Antonius
Kleopatra VII
Sterkte
250 galeie
16 000 soldate
3 000 boogskutters
290 galeie
30-50 Transporters
20 000 soldate
2 000 boogskutters
Ongevalle
2 500 gesneuweldes 5 000 gesneuweldes
200 skepe

Die Slag van Actium was 'n seeslag wat plaasgevind het op 2 September 31 v.C., naby die Romeinse kolonie Actium in antieke Griekeland. Die slag was deel van die Romeinse Burgeroorlog tussen Marcus Antonius en Octavianus (later Keiser Augustus, eerste keiser van die Romeinse Ryk). Die vloot van Octavianus is aangevoer deur Marcus Vipsanius Agrippa, en die vloot van Antonius is ondersteun deur die vloot van sy vrou, Kleopatra, die koningin van Egipte. Die slag is gewen deur Octavianus se magte en die datum word dikwels aangehaal as die begin van die Romeinse Ryk.

Die twee kante van die seeslag het net buite die golf van Actium ontmoet, elk ongeveer 200 skepe sterk (totale aangehaal deur antieke bronne wat verskil oor die syfers). Antonius se swaar skepe het gepoog om naby die meer mobiele vaartuie van Octavianus te bly, ten einde hulle te verpletter met swaar artillerie. Die ligter skepe van Octavianus het egter suksesvol gebruik gemaak van ontwykingstaktieke. Die skepe van Kleopatra het skielik uit die seeslag onttrek en Antonius het ontvlug agter haar. Sy ontsnapping het ongemerk verby gegaan en die konflik het grootliks onbeslote gebly, maar Antonius se vloot was in vlamme gehul en is verwoes deur die vuur.

Antonius en Kleopatra het 'n jaar later beide selfmoord gepleeg. 'n Verslag van die slag verskyn in Vergilius se Aeneis.

Eksterne skakels[wysig | wysig bron]

Hierdie artikel maak gebruik van feite en teks uit die Encyclopædia Britannica van 1911. Die bron is in die publieke domein.