Slag van Tannenberg

in Wikipedia, die vrye ensiklopedie
Spring na: navigasie, soek
Slag van Tannenberg
Pools: Bitwa pod Grunwaldem
Litaus: Žalgirio mūšis
Deel van die Oorlog tussen Pole-Litaue
en die Duitse Orde
Battle of Tannenberg.jpg
Slag van Tannenberg, uit die Bernse Kroniek van Diebold Schilling die Ouere
Datum 15 Julie 1410
Ligging Tussen die dorpe Grünfelde (Grunwald) en Tannenberg (Stębark)
Resultaat Beslissende Pools-Litause oorwinning
Strydende partye
Koninkryk Pole
Grootvorstedom Litaue
Pools-Litause vasalle, geallieerdes en huursoldate
Roetenië
Masowië
Prinsdom van Moldawië
Tartare
Boheme
Morawië
Wallachië
Duitse Orde, ander kruisridders en huursoldate uit Wes-Europa
Bevelvoerders
Jogaila (Władysław II Jagiełło), opperbevelhebber
Vytautas die Grote, Litause kommandeur
Ulrich von Jungingen
Sterkte
Tussen 16 000 en 39 000 Tussen 11 000 en 27 000
Ongevalle
4 000 tot 5 000 gesneuweldes
8 000 gewondes
200 gesneuwelde ridders
8 000 gesneuweldes
14 000 gevangenes

Die Slag van Tannenberg is op 15 Julie 1410 naby die dorp Tannenberg (huidige Poolse naam: Stębark) tussen die leër van die Duitse Ridderorde onder bevel van hoogmeester Ulrich von Jungingen en die gemeenskaplike strydmagte van die Koninkryk Pole onder bevel van koning Władysław II Jagiełło en van die Grootvorstedom Litaue onder bevel van grootvors Vytautas geveg.

Slag van Tannenberg (Jan Matejko)

Met hierdie veldslag het die gewapende konflik tussen die Duitse Orde en die Grootvorstedom Litaue, wat op hierdie tydstip reeds sowat 'n eeu voortgeduur het, en die latente mededinging tussen die Orde en die Koninkryk Pole sy hoogtepunt bereik. Die beslissende nederlaag, wat die Duitse Orde in die slag gely het, markeer die begin van die Orde se heerskappy in Pruise asook Pole-Litaue se vordering tot 'n Europese supermoondheid.

Die Slag van Tannenberg word as een van die grootste veldslagte tussen Middeleeuse ridderleërs beskou en is sedert die 19de eeu in Pole en Litaue tot nasionale mite verhef. Om hierdie beslissendste oorwinning in die geskiedenis van dié twee nasies het romantiese legendes en verhale ontstaan, en uiteindelik is dit ook vir nasionalistiese propaganda ingespan om as 'n groter simbool van die nasionale stryd teen invallers en vreemde oorheersing asook as 'n bron van nasionale trots te dien.

In Pole is die metafoor van die krzyżacy ("kruisridder") vanaf die 19de eeu as 'n sinoniem vir die onderdrukking van die Poolse volk gebruik, waarby veral die nasionale digter Adam Mickiewicz die Duitse Ridders in sy werke Grażyna en Konrad Wallenrod grootliks negatief uitgebeeld het. Nogtans was die Orde vir Mickiewicz net 'n metafoor vir die Russiese besetting van Pole - om sensuur te ontsnap kon hy dinge destyds nie by die naam noem nie.[1]

In die 20ste eeu is die slag ook vir Duitse en Sowjet-Russiese propaganda misbruik. Eers in die laat 20ste eeu het geskiedkundiges begin om die slag vanuit 'n onsydige perspektief te benader.

Verwysings[wysig]

  1. Andreas Kossert: Ostpreußen. Geschichte und Mythos. München: Pantheon 2008, bl. 43