Stębark

in Wikipedia, die vrye ensiklopedie
Spring na: navigasie, soek
Stębark
Tannenberg
Ligging van Stębark op 'n kaart (Pole)
Stębark
Stębark
Koördinate: 53°29′40″N 20°07′50″O Koördinate: 53°29′40″N 20°07′50″O
Land Vlag van Pole Pole
Woiwodskap Ermland-Masurië
Powiat Ostróda
Gmina Grunwald
Bevolking
 - Dorp 630
Poskode 14-108
Skakelkode(s) 48 89

Stębark [ˈstɛmbark] (Duits Tannenberg) is 'n stadsdeel van Grunwald (Grünfelde) in die powiat Ostródzki van die woiwodskap Ermland-Masurië, Pole.

Die nedersetting is in die voormalige Oos-Pruise, naby die grens met die voormalige Wes-Pruise in die oostelike uitlopers van die Kernsdorfer Höhe geleë en het saam met die naburige Grunwald danksy twee veldslae bekendheid verwerf:

Op 15 Julie 1410 het die Duitse Orde in die Slag van Tannenberg 'n verpletterende nederlaag teen Pools-Litause magte gely. Die historiese gebeure het in die 19de eeu in Pole tot 'n nasionale mite ontwikkel.

Tydens die Eerste Wêreldoorlog het Duitse troepe onder bevel van Paul von Hindenburg tussen 26 en 30 Augustus 1914 'n oorwinning oor die 2de Russiese leër onder bevel van generaal Aleksander Wassiljewitsj Samsonof behaal. Die Russe is deur von Hindenburg se 8ste leër omsingel. Die Duitse Tannenberg-monument is later ter herdenking van hierdie slag opgerig.